جەرمەن ەشقانداي دا استەرويد سوعىسپايدى - ن ا س ا

ال، ناسا قىزمەتكەرلەرى جەرگە ەشقانداي قاۋىپ ءتونىپ تۇرماعاندىعىن مالىمدەدى. «بۇل الەۋمەتتىك جەلىلەرگە تاراپ كەتكەن الىپ- قاشپا اڭگىمە. ال، شىنداپ كەلگەندە قانداي دا ءبىر استەرويدتىڭ نەمەسە اسپان دەنەلەرىنىڭ جەرمەن سوقتىعىساتىنىنا ەشقانداي دا عىلىمي دالەل، ءتىپتى ەشقانداي نەگىز دە جوق»، - دەيدى عارىش اگەنتتىگىنىڭ قىزمەتكەرلەرى.
جەر ماڭىنداعى باقىلاۋ باعدارلاماسىنا قاتىسۋشى ناسا قىزمەتكەرلەرى دە پلانەتامىزدىڭ ماڭىنا جاقىن ارادا جەرمەن سوقتىعىسۋى مۇمكىن ەشقانداي دا استەرويدتىڭ، ءيا بولماسا كومەتانىڭ جوقتىعىن ايتۋدا.
ال عىلىمعا ءمالىم، قاۋىپتى دەگەن استەرويدتاردىڭ جەرمەن قاقتىعىسۋى مۇمكىندىگى وتە تومەن جانە بولعان كۇننىڭ وزىندە دە وسىدان 100 جىلدان كەيىنگە بولجانىپ وتىر.
ولاردىڭ مالىمەتتەرىنشە، جەرمەن قانداي دا ءبىر دەنەنىڭ سوقتىعىسۋ مۇمكىندىگى 0,01 پايىزدى قۇرايدى. ساراپشىلار جەرگە جاقىن ارادا قاۋىپ توندىرەتىن قانداي دا ءبىر دەنە پايدا بولا قالعان جاعدايدا بۇل تۋرالى مىندەتتى تۇردە بىلەتىندىكتەرىن ايتىپ وتىر.
استرونومدار بولسا، جەرگە ءتونىپ كەلە جاتقان استەرويد تۋرالى اڭگىمەنىڭ بۇگىن عانا تاراپ وتىرماعاندىعىن ايتۋدا. 2011 - جىلى الەۋمەتتىك جەلىدە بىرەۋ ەلەنينا كومەتاسىنىڭ جەرمەن سوقتىعىساتىنىن «بولجاعان». راسىندا، ول كومەتانىڭ جەرگە ەشقانداي دا قاۋپى جوق.
ايتا كەتەتىن ماسەلە، كوپتەگەن ازاماتتار اقىرزاماندى 2012 - جىلى كۇتتى. وندا بىرەۋلەر جەردى ۇلكەن مەتەوريت سوعادى دەگەن ءسوز تاراتقان. بيىلعى جىلى 2004 BL86 ي 2014 YB35 استەرويدتارىنا قاتىستى دا دۇرلىگۋ تۋدى. ال، بۇل استەرويدتار جەرگە دە ودان باسقا دا دەنەلەرگە سوقتىقپاي ءوزىنىڭ باعىتىمەن كەتتى، دەپ جازادى news.day.az