12:23, 24 - تامىز 2015 | GMT +5
استانادا دزيۋدودان الەم بىرىنشىلىگى باستالدى
استانا. قازاقپارات - بۇگىن استانادا دزيۋدودان الەم بىرىنشىلىگى باستالدى.

بۇل شارا ەلىمىزدە العاش رەت وتكىزىلىپ وتىر.
ءدۇبىرلى دوداعا الەمنىڭ 120 دان استام مەملەكەتىنەن 1 مىڭعا جۋىق سپورت ساڭلاقتارى قاتىسۋدا.
تاڭعى ساعات 11.00-دە باستالعان كۇرەس باسەكەسىن «قازسپورت» تەلەارناسى تىكەلەي ەفيردە كورسەتۋدە. بۇگىن 60 كەلى سالماقتاعى ەرلەر مەن 48 كەلىدەگى قىزدار تاتاميگە شىعۋدا. جەڭىمپازدار تۇستەن كەيىن انىقتالاتىن بولادى.
ايتا كەتۋ كەرەك، 60 كەلى سالماقتا ەلدوس سمەتوۆ پەن رۋستام ىبىرايەۆ ەل نامىسىن قورعاۋدا. ولار ىرىكتەۋ كەزدەسۋلەرىن ءساتتى باستادى.
بۇگىن ساعات 16:00 دە الەم چەمپيوناتىنىڭ سالتاناتتى اشىلۋ ءراسىمى بولادى. الەم بىرىنشىلىگى «الاۋ» سپورت كەشەنىندە ءوتىپ جاتىر.
اۆتور: ايدىن بايمەن