بالا كۇنىنەن ونەر كورسەتكەن جۇلدىزدار - فوتو

استانا. قازاقپارات - ارىپتەستەرى بالعىن بالالىق شاقتىڭ قىزىعىن كورىپ جۇرگەندە، بۇل بولاشاق جۇلدىزدار ۇلكەن ساحناعا العاشقى قادامدارىن باسقان.
None
None

وسى ورايدا بالالىق شاعىن بولاشاعىنا ارناپ، كىشكەنتايىنان ونەر كورسەتىپ كەلە جاتقان جۇلدىزداردىڭ ءتىزىمىن نازارلارىڭىزعا ۇسىنامىز.

مەيرامبەك بەسبايەۆ

1992 -جىلى مەيرامبەك بەسبايەۆ «قوشتاسقىم كەلمەيدى» فيلمىنە تۇسكەن. فيلمدەگى جاس مەيرامبەكتىڭ ورىنداۋىنداعى «العاشقى ماحاببات» ءانى تالاي كورەرمەننىڭ جۇرەگىنەن ورىن العان.

قازىر مەيرامبەك بەسبايەۆ ەلىمىزدىڭ سۇيىكتى انشىلەرىنىڭ ءبىرى.

 

مادينا سادۋاقاسوۆا

مادينا سادۋاقاسوۆا ۇلكەن ساحناعا 1992 -جىلى «ءانشى بالاپان» بايقاۋى ارقىلى كەلگەن.

«ءانشى بالاپاننان» كەيىن مادينا باسقا دا كوپتەگەن ءان بايقاۋلاردا باق سىنايدى. اسىرەسە، ونىڭ «مۋزىكالنىي ۆوياج» بايقاۋىندا كورسەتكەن ونەرى كورەرمەننىڭ ەسىندە ەرەكشە ساقتالىپ قالعان. 1999 -جىلى ءانشى «جاس قانات» بايقاۋىندا باس جۇلدەنى يەلەنگەن. وسى جەردە ول ەڭ العاشقى رەت روزا قۋانىش قىزىمەن كەزدەسىپ، دۋەتتە ءان سالۋعا مۇمكىندىك العان. سول جىلى مادينا «ازيا داۋىسى» ءان بايقاۋىندا دا كەرەمەت ونەر كورسەتكەن.

ديلناز احماديەۆا

ديلناز ەڭ العاش 4 جاسىندا «ۆولشەبنوە يابلوكو» اتتى فانتاستيكالىق فيلمگە تۇسكەن. كەيىننەن ول سول كەزدە تانىمال بولعان «ايست نا كرىشە» ءانىن الماتى قالاسىنداعى ۇيعىر تەاترىنىڭ ساحناسىندا ورىنداعان.

10 جاسىندا قازاقستاندىق تەلەارنا ونى 30 مينۋتتىق باعدارلاماعا تۇسىرگەن. 1993 -جىلى ديلناز العاشقى رەت الماتى قالاسىنداعى رەسپۋبليكا سارايىندا ءان سالعان.

جانار دۇعالوۆا

 

«Turkvizyon-2014″ جاناردىڭ ەڭ العاشقى بايقاۋى ەمەس. ونىڭ ەسىمى حالىققا تانىلعانىنا كوپ ۋاقىت بولعان جوق، دەگەنمەن ءانشى ساحنادا بالا كۇنىنەن ونەر كورسەتكەن. ول «ءانشى بالاپان» جانە «جاس قانات» بايقاۋلارىنا قاتىسىپ، جەڭىمپاز اتانعان.
 

اليشەر كاريموۆ

 

اليشەر 5 جاسىندا «ءانشى بالاپان» باقاۋىنا قاتىسىپ، «ياللا» توبىنىڭ «چايحانا» ءانىن ورىنداعان. ناتيجەسىندە «كورەرمەن كوزايىمى» نوميناتسياسى بويىنشا ماراپاتتالعان.
 

دينارا قىرىقبايەۆا

 دينارا «ءانشى بالاپان» بايقاۋىنا قاتىسقاندا 5 جاستا بولعان.

كورەرمەندەردىڭ ەسىندە ونىڭ «ايگولەك» بايقاۋىنداعى كورسەتكەن ونەرى ەرەكشە ساقتالىپ قالعان. وسىدان كەيىن ءانشى تولىقتاي شىعارماشىلىققا بەت بۇرعان.
 

فاريدا جولداسوۆا

ءانشى،  ۇلىقپان جولداسوۆتىڭ قىزى فاريدا انشىلىككە بالا كەزىنەن كەلگەن. ول دا كوپتەگەن انشىلەر سەكىلدى «ءانشى بالاپان» بايقاۋىنا قاتىسقان.

قازىر فاريدا جەكە شىعارماشىلىعىن جەتىلدىرىپ كەلەدى. ونىڭ العاشقى ءانىن اكەسى جازىپ بەرگەن. ەڭ تانىمال اندەرىنىڭ ءبىرى - «نەگە سولاي».
 

الماس كىشكەنبايەۆ

الماس تا ءان ايتۋدى بالا كۇنىنەن باستاعان. 1996 -جىلى ول حالىقارالىق «اينالايىن» فەستيۆالىنىڭ قاتىسۋشىسى بولعان. سونداي- اق، سول جىلى پاريجدە وتكەن «مولودىە، تالانتليۆىە دەتي» جانە قىرعىزستانداعى «مەير» بايقاۋىندا باق سىناعان.

ءالي وقاپوۆ

ءانشى ك. بايسەيتوۆا اتىنداعى مۋزىكالىق مەكتەپتىڭ فورتەپيانو سىنىبىن اياقتاعان. وقىپ جۇرگەن كەزدە ول «دەلفييسكيە يگرى»، «الماتىم جۋرەگىمدە»، «اكتوبە jazz»  سىندى بىرنەشە بايقاۋعا قاتىسقان.

بۇگىندە ەلىمىزدىڭ سۇيىكتى انشىلەرىنىڭ ءبىرى.
 

كارينا ابدۋللينا

كارينا انشىلىككە ەرتە كەلگەن. ول تەك «ءانشى بالاپان» عانا ەمەس، رەسەيلىك «ۋترەننيايا زۆەزدا» بايقاۋىنا دا قاتىسىپ، جەڭىمپاز اتانعان.
 

ەربولات قۇدايبەرگەن

سەنۋ قيىن، دەگەنمەن ەربولات تا «ءانشى بالاپان» بايقاۋى ارقىلى ۇلكەن ساحناعا قادام باسقان ەكەن.
 

ztb.kz سايتىنان اۋدارىلىپ الىندى

سوڭعى جاڭالىقتار