ادامدارعا امانداسۋدى ۇيرەتەتىن ايۋ

تاڭ قالارلىق ەرەكشە جۇپ كوپ جىلداردان بەرى تال تۇستە جەتەكتەسىپ كوشەگە شىعىپ كەلەدى. سونىمەن بىرگە، ولارمەن بەتپە- بەت جولىققان جۇرت اراسىندا ەشكىم دە جىرتقىش اڭنان قورقا قويمايدى.
تالابشو شەيحوۆ بۇدان 17 جىل بۇرىن ماريانى پامير تاۋلارىنىڭ باۋرايىنان تاۋىپ الىپتى. اڭشى كەزىككەن كەزدە ايۋدىڭ بالاسى الدەكىم ءولتىرىپ كەتكەن اناسىنىڭ جانىندا جاتىر ەكەن. زەينەتكەر سوسىن تاۋ ىشىندە جاپادان- جالعىز قالعان پاناسىز قونجىقتى اياپ، وزىمەن بىرگە الا كەتەدى. ۇيىنە اكەلگەسىن ونى بالاداي ماپەلەپ باعادى.
«مەن ونى بالاشا تاماقتاندىرىپ تۇردىم. وعان ءتىپتى اقىلدى دا مەيىرىمدى بولىپ ءوسۋى ءۇشىن انا ءسۇتىن ساۋىپ بەرگىزدىم. ال ماريا شىنىندا اقىلدى بولىپ ءوستى. ءارى مەيىرىمدى. ادامداردى جاقسى كورەدى. ول ماعان تۋرا قىزىم نەمەسە نەمەرەم سياقتى بولىپ شىقتى» ، - دەيدى قازىر قاريا.
«ءبىزدىڭ جانىمىزدان مىڭداعان ادام ءوتىپ جاتادى. ءبىراق بىردە- ءبىرى امانداسپايدى. سوسىن مەن مارياعا: «قاراشى، جۇرت اداممەن امانداسۋدى دا قويىپتى. ولاردى دا ادام دەيدى- اۋ. كەل، ودان دا ەكەۋمىز قاتار تۇرىپ الىپ، ولارعا سالەم بەرۋدى ۇيرەتەيىك» دەيمىن. ماريا مۇنى ءتۇسىنىپ، مەنىڭ جانىما تۇرا قالادى دا، ءوتىپ بارا جاتقاندارعا ءيىلىپ، سالەم جاسايدى. سول كەزدە مەن كوپشىلىككە: «مەنىڭ ايۋىمنان قالاي اقىلدى بولۋدى ۇيرەنىڭدەر» دەيمىن» ، - دەپ اعىنان اقتارىلادى سوسىن قاريا.
دۋشانبەدە اقساقال مەن ونىڭ ايۋىن بىلمەيتىن ادامدار كەمدە- كەم. ماريا جۇرتپەن بىرگە سۋرەتكە تۇسكەندى، سوسىن شالعىندا اۋناپ جاتقاندى ەرەكشە جاقسى كورەدى. ايتقانداي، ول ءشوپتىڭ قاسيەتىن دە جاقسى بىلەدى ەكەن. قارت سونىڭ ارقاسىندا فيتوتەراپيانى دا ۇيرەنىپ الىپ، ەمدىك قاسيەتتەرى بار تۇندىرمالار جاسايتىن بولىپتى.
تاليبشو اتاي بيىلعى جىلى 80 گە تولادى ەكەن. وسىدان ون جىل بۇرىن ول ەكىنشى رەت ۇيلەنىپتى. اقساقالدىڭ كەنجە ۇلى بيىل مەكتەپكە بارادى.
NUR. KZ