08:52, 24 - تامىز 2015 | GMT +5
ماس جۇرگىزۋشى ءبىر توپ جاس ءوسپىرىمدى قاعىپ كەتتى
استانا. قازاقپارات - رەسەيدىڭ ارحانگەلسك وبلىسىندا ماس جۇرگىزۋشى كولىككە يە بولا الماي، ءبىر توپ جاس ءوسپىرىمدى قاعىپ كەتتى.

سالدارىنان 13 جانە 16 جاس ارالىعىنداعى جەتى ادام زارداپ شەكتى.
بۇل تۋرالى وڭىرلىك ءى ءى م م ب باسپا ءسوز قىزمەتىنەن حابارلاندى.
اپات 22 -تامىزدا كەشكە ۋردوما كەنتىندە ورىن الدى. ءى ءى م م ب وكىلىنىڭ اقپاراتىنشا، "شيەۆرولە سپارك" جۇرگىزۋشىسى ماس بولعاندىقتان كولىكتى باسقارا الماي جولدىڭ جيەگىندە ءجۇرىپ بارا جاتقان ءبىر توپ بالانى قاعىپ كەتكەن. سالدارىنان جەتى ادام اۋرۋحاناعا جەتكىزىلدى.
جۇرگىزۋشى ۇستالىپ، قىلمىستىق ءىس قوزعالدى. ول بۇل قىلمىسى ءۇشىن 4 جىلعا دەيىن بوستاندىعىنان ايىرىلۋى مۇمكىن.