08:22, 24 - تامىز 2015 | GMT +5
پاكىستاندا ۇرلانعان قىتايلىق ۆەلوسيپەدشى ءبىر جىلدان سوڭ بوساتىلدى
استانا. قازاقپارات - پاكىستاندا وتكەن جىلدىڭ ماۋسىم ايىندا ەلدىڭ سولتۇستىك باتىسىندا حايبەر- پاحتۋنحۆا پروۆينسياسىندا تالىبتەر ۇرلاعان قىتايلىق ۆەلوسيپەدشى بوساتىلدى.

نەپال، ءۇندىستان جانە تيبەت اۋماقتارىمەن ءجۇرىپ وتكەن حۋن سيۋيدۋن ءبىر جىلدان استام ۋاقىتتان بەرى سودىرلاردىڭ تۇتقىنى بولعان ەدى. ول وتكەن تۇندە پاكىستان ءى ءى م وكىلدەرىنە تاپسىرىلدى.
بيلىك قىتايلىقتى بوساتۋ بويىنشا دايىندىق جۇمىستارى مەن اقپاراتتى جيناۋ شارالارى جاسالعانىن راستادى. الايدا تۇتقىن قاي جەردە بولعانىن، قانداي ماقساتپەن ۇستالعانىن جانە قانداي تالاپتارمەن بوساتىلعانىن ايتۋدان باس تارتتى.