تەڭگە باعامىنا تۇزەتۋ ەنگىزۋ ءبىزدىڭ شەتەل اۆتووندىرىسىمەن باسەكەگە تۇسۋىمىزگە مۇمكىندىك بەرەدى - اندرەي لاۆرەنيەۆ

استانا. قازاقپارات - قازاقستان ۇكىمەتى ەل ەكونوميكاسىنىڭ ودان ارعى تۇراقتىلىعىن قامتاماسىز ەتۋ ءۇشىن تەڭگە باعامىنىڭ ەركىن اينالىمىن قامتاماسىز ەتۋ سياقتى ناقتى قادامدارعا باردى.
None
None

 «ەگەر بۇل شارالار بۇدان دا بۇرىنىراق قابىلدانعاندا ءبىزدىڭ وندىرىسشىلەرىمىزدىڭ شىعىندارى ايتارلىقتاي ازىراق بولار ەدى» ، دەيدى «AllurGroup» اۆتوموبيل كومپانيالارى توبىنىڭ پرەزيدەنتى، ديرەكتورلار كەڭەسىنىڭ مۇشەسى اندرەي لاۆرەنيەۆ. ونىڭ بۇل پىكىرى «ەگەمەن قازاقستان» گازەتىندە جارىق كوردى.

***

 اۆتوموبيل سالاسى كاسىپورىندارى اتىنان اعىمداعى ەكونوميكالىق جاعدايدا تەڭگە باعامىن تۇزەتۋ جونىندە قابىلدانعان شارالاردىڭ ماڭىزدىلىعىن اتاپ كورسەتەمىن. ەگەر بۇل شارالار بۇدان دا بۇرىنىراق قابىلدانعاندا ءبىزدىڭ وندىرىسشىلەرىمىزدىڭ شىعىندارى ايتارلىقتاي ازىراق بولار ەدى.

 مىسال ءۇشىن، بۇگىندە ءبىزدىڭ قويمالاردا 29 مىڭنان استام اۆتوموبيل تۇر. ءبىزدىڭ كورشىلەرىمىز ءوز ۆاليۋتالارىن كۇرت السىرەتكەن كەزدە ول ماشينالاردىڭ ءبارى باسەكەگە قابىلەتسىز بولىپ شىقتى. رەسەي ءرۋبلىنىڭ ايتارلىقتاي قۇنسىزدانۋى رەسەيدەن اۆتوماشينا يمپورتىنىڭ بۇرىن- سوڭدى بولماعان دارەجەدە وسۋىنە سوقتىرعانى بارشاعا ءمالىم. ۇستىمىزدەگى جىلدىڭ ءبىرىنشى جارتىجىلدىعىندا عانا رەسەيدەن تىركەۋ ەسەبىنە 170 مىڭنان استام اۆتوموبيل جەتكىزىلدى. وسىنىڭ سالدارىنان ءبىزدىڭ سالا بۇگىندە وتە اۋىر ەكونوميكالىق احۋالدا تۇر.

تەڭگە باعامىنا تۇزەتۋ ەنگىزۋ ءبىزدىڭ كومپانيالارىمىزعا رەسەيلىكتەرمەن جانە بۇتىندەي شەتەلدىڭ اۆتووندىرىسىمەن باسەكەگە تۇسۋگە مۇمكىندىك بەرەدى. ءبىز بارلىق قابىلدانعان الەۋمەتتىك مىندەتتەمەلەردى ساقتاپ قانا قويماي، سونىمەن بىرگە، جاڭا اقشا- نەسيە ساياساتى رەجىمى جاعدايىندا الەۋمەتتىك تولەمدەردى ۇلعايتۋ ءۇشىن بۇكىل كۇش- جىگەردى جۇمسايتىن بولامىز.

سوڭعى جاڭالىقتار