ىزدەۋ جاريالانعان ءانشى قايرات تۇنتەكوۆ شىمكەنتتەگى ۇيىنەن تابىلدى

وسىدان 3 جىل بۇرىن الماتىدا جول اپاتىنا سەبەپكەر بولعان ءانشى زارداپ شەككەن تاراپقا تولەۋى ءتيىس وتەماقىنى ءالى بەرمەي ءجۇر ەكەن. وسى ورايدا وعان ىزدەۋ جاريالانعان.
الايدا قايراتتىڭ ديرەكتورى ولجاس ايمانوۆ زارداپ شەككەن نازيرا ەسامانوۆانىڭ بۇل شاعىمىمەن كەلىسپەيدى. ايتۋىنشا، ءانشىنىڭ ەشقانداي دا جاۋاپكەرشىلىكتەن باس تارتاتىن ويى جوق جانە قازىر شىعارماشىلىعىمەن اينالىسۋ ۇستىندە.
«ءبىز دە ارىز جازىپ جاتىرمىز. قايرات قاشىپ تا، جاسىرىنىپ تا جۇرگەن جوق. شىندىعىندا ول ادامدار ءبىزدى ىزدەمەگەن. مەنىڭ دە، قايراتتىڭ دا نومەرى ولاردا بار. ول تاراپتىڭ سوت ورىنداۋشىسى دا، ادۆوكاتى دا بىزگە حابارلاسقان جوق. تەك ىزدەۋگە بەرىپ قويىپتى. بۇل ادامدارعا تەك پيار(جارناما) قاجەت. قايراتتىڭ اتاعىنا ابدەن كىر كەلتىردى. ول 40 كۇن تۇرمەدە دە وتىرىپ شىقتى»، - دەيدى ءانشىنىڭ ديرەكتورى ولجاس ايمانوۆ.
ءانشى ديرەكتورىمەن بىرگە كەلەسى اپتادا ءبىز پوليتسيا بولىمىنە بارىپ، ارىز جازباقشى.
«سونىمەن قاتار 4 ميلليون تەڭگە كولەمىندە ماتەريالدىق شىعىن وتەۋى كەرەك دەپ مالىمدەپ وتىر. ءبىراق، وسى سومانىڭ جارتىسىن قايتارىپ قويعانىمىزدى ايتپاعان. قايراتقا شەت ەلگە شىعۋعا تىيىم سالىنعان. ءبىز بەرمەيمىز دەپ وتىرعان جوقپىز، جاسىرىنبايمىز دا. قازىر اندەر جازىپ، ەڭبەك ەتۋدەمىز. تاپقان تابىسىمىزدى جيناپ، تولەپ جاتىرمىز. ەندى تەك جارتىسى قالدى. وسى جىلدىڭ سوڭىنا دەيىن تولىعىمەن وتەپ، ارنايى باسپا ءسوز ءماسليحاتىن وتكىزەمىز. قازىر قايراتتىڭ جاعدايى جاقسى، شىمكەتتە»، - دەيدى ءانشىنىڭ ديرەكتورى.
ال زارداپ شەككەن جاقتىڭ ادۆوكاتى ءزۇبايدا اسقاروۆا سۇحباتىندا باسقاشا حابارلاعان.
«تۇنتەكوۆ جاسىرىنىپ ءجۇر. ونى ءۇش جىلدان بەرى تابا الماي جاتىر. ول ءبىر تيىن دا تولەگەن جوق. بۇل جاعداي 2012 -جىلى ورىن العان. سودان كەيىنگى 3 جىلدان بەرى قايرات سوت شەشىمىن ورىنداماي كەلەدى. ەگەر سوت شەشىمىن 3 اي ىشىندە ورىنداماعان جاعدايدا، ارنايى جاۋاپكەرشىلىككە تارتىلادى. قازىر ول 25 مىڭ دوللار قارىز. وعان رەسمي تۇردە ىزدەۋ جاريالاندى. اتا-اناسى ونى كورمەگەنىن جانە قايدا جۇرگەنىن بىلمەيتىندەرىن جەتكىزىپ وتىر. سونداي-اق، سوڭعى رەت ءۇش جىل بۇرىن كورگەندەرىن ايتادى. بۇنىڭ ءبارى بالالارىن قورعاۋ ماقساتىندا جاسالعان. ەندى ارى قاراي سوت شەشىمىن ءوزى شىعارادى»، - دەيدى اسقاروۆا.
nur.kz