09:27, 22 - تامىز 2015 | GMT +5
سولتۇستىك كورەيا سەۋلدىڭ ۇگىت-ناسيحاتىنا قارسى اسكەري كۇش قولداناتىنىن تاعى ەسكەرتتى
استانا. قازاقپارات - ك ح د ر بيلىگى ەگەر وڭتۇستىك كورەيا شەكارالىق ايماقتا «سولتۇستىكتىڭ» رەجىمىنە قارسى ۇگىت- ناسيحات جۇمىستارىن توقتاتپايتىن بولسا، قارۋلى كۇش قولداناتىن ەسكەرتتى، دەپ حابارلادى «BBC» اگەنتتىگى.

اپتا باسىندا سولتۇستىككورەيالىق اسكەريلەر ولاردىڭ رەجىمىنە قارسى وڭتۇستىك كورەيا تاراتىپ وتىرعان دىبىس كۇشەيتكىشتى راكەتەمەن اتىپ جويماق بولعان.
ك ح د ر- دىڭ ب ۇ ۇ- داعى وكىلى وڭتۇستىكتىڭ بۇل ارەكەتىن اسكەري اكتىگە سانايتىنىن جەتكىزدى.
«ەگەر وڭتۇستىك كورەيا ءبىزدىڭ قويىپ وتىرعان تالابىمىزبەن كەلىسپەيتىن بولسا، ءبىزدىڭ قارسى جاۋابىمىز دا سالماقتى بولماق»، - دەدى پحەنيان وكىلى.
تاياۋدا سولتۇستىك كورەيا كوشباسشىسى كيم چەن ىن اسكەرىنە دايىن بولۋدى بۇيىردى. قارسىسىنا ا ق ش پەن وڭتۇستىك كورەيا بىرلەسكەن اسكەري جاتتىعۋلارىن قايتا جاڭعىرتتى.