11:17, 23 - تامىز 2015 | GMT +5
سەگىز مەترلىك الىپ ادامنىڭ سۇيەگى تابىلدى
استانا. قازاقپارات - ەكۆادوردا قازبا جۇمىسى كەزىندە ارحەولوگتار الىپ ادام تاپتى. وكىنىشكە وراي، ول تەك ءىشىنارا ساقتالعان. سۇيەكتەرىنە قاراعاندا، الىپ ادامنىڭ ۇزىندىعى سەگىز مەترگە جۋىق، دەپ حابارلايدى piter.tv.

عالىمدار مۇنداي ادامدار ون مىڭداعان جىل بۇرىن ءومىر سۇرگەن دەپ بولجاۋدا.
ارحەولوگ كلاۋس دون الىپ ادامنىڭ سۇيەكتەرىن عانا ەمەس، قاراقۇسىنىڭ بولىگىن دە تاپقان، ول قازىرگى ادامداردىكىنە ۇقساس. «پەتەربور كۇندەلىگىندە» حابارلانعانداي، تابىلعان قاڭقانىڭ تابان سۇيەگىنىڭ ۇزىندىعى جارتى مەتر. سۇيەكتىڭ ءىشىنارا بولىكتەرى ساقتالعان، ماماندار ونى زەردەلەپ، تۇجىرىم جاساۋعا بولاتىنىن ايتادى.
ساراپشىلاردىڭ نۇسقاسى بويىنشا، نەگىزىنەن ولار ىستىق جەرلەردە تىرشىلىك ەتكەن. عالىمدار سەگىز مەترلىك ادامدار ون مىڭداعان جىل بۇرىن ءومىر سۇرگەن دەپ سانايدى، ولاردىڭ تابيعي اپات سالدارىنان جويىلۋى ىقتيمال.