16:13, 21 - تامىز 2015 | GMT +5
قاراعاندىدا قارقارالى اۋدانى اكىمىنىڭ اپپارات باسشىسى ءوز-وزىنە قول سالدى
قاراعاندى. قازاقپارات - قاراعاندىدا جۇمىس ساپارى كەزىندە 39 جاستاعى قارقارالى اۋدانى اكىمىنىڭ اپپارات باسشىسى ءوز- وزىنە قول جۇمسادى، دەپ حابارلادى اۋداندىق اكىمدىكتەن.

«قايعىلى وقيعا دۋمان ءازىمحانوۆ قىزمەتتىك ساپاردا بولعان كەزدە ورىن الدى»، - دەدى اۋداندىق اكىمدىكتە.
ەر ادام سەگىزىنشى قاباتتىڭ تەرەزەسىنەن سەكىرىپ كەتىپ، العان جاراقاتتارىنىڭ سالدارىنان وقيعا ورنىندا قازا تاپتى. نۇسقالاردىڭ ءبىرى بويىنشا سۋيتسيدكە جۋىردا وعان اۋىر دەرت دياگنوزىنىڭ قويىلۋى سەبەپ بولدى.
«اتالعان فاكتى بويىنشا سوت الدىنداعى تەرگەۋ جۇمىستارى جۇرگىزىلىپ جاتىر. ساراپتامالار تاعايىندالدى، ولاردىڭ ناتيجەسى بويىنشا پروسەسسۋالدىق شەشىم قابىلدانادى»، - دەپ حابارلادى وبلىستىق ءى ءى د باسپا ءسوز قىزمەتىنەن.