ءانشى قايرات تۇنتەكوۆكە ىزدەۋ جاريالاندى

استانا. قازاقپارات - قازاقستاندىق ءانشى قايرات تۇنتەكوۆكە ىزدەۋ جاريالاندى، - دەپ حابارلايدى «ك ت ك» تەلەارناسى.
None
None

وسىدان 3  جىلداي بۇرىن الماتىدا جول اپاتىنا سەبەپكەر بولعان بەلگىلى ءانشى زارداپ شەككەن تاراپقا تولەۋى ءتيىس وتەماقىنى ءالى بەرمەي ءجۇر ەكەن.

ەسكە سالا كەتەيىك، قايرات تۇنتەكوۆ كولىك اپاتىن 2012 -جىلدىڭ جەلتوقسانىندا جاساعان بولاتىن. باس جارىلىپ، ادام ولگەن جوق. ءبىراق ونىڭ Toyota Camry كولىگى Land Cruiser اۆتوموبيلىنە اجەپتاۋىر زاقىم كەلتىرگەن. مۇنىسى ازداي، ول كولىگىن قۇجاتسىز جۇرگىزگەن بولىپ شىقتى. كەيىن سوت ونى سول ءۇشىن 40 كۇنگە قاماۋعا الىپ، ءدجيپتىڭ يەسىنە 4 ميلليون تەڭگە كولەمىندە ماتەريالدىق شىعىن وتەۋدى مىندەتتەدى. الايدا زارداپ شەككەن نازيرا ەسەنامانوۆاعا 3 ايدىڭ ىشىندە نەبارى 30 مىڭ تەڭگە ۇستاتقان SuperStar جۇلدىزى ءالى كۇنگە دەيىن ۇستاتپاي كەلەدى. كەزىندە ونىڭ ارىپتەستەرى قولداۋ رەتىندە كونتسەرت ۇيىمداستىرىپ، قارجى جيناپ بەرگەن ەدى. ءبىراق جينالعان اقشا سول كۇيى ءوز ماقساتىنا جۇمسالماعان كورىنەدى. ەندى ونى پوليتسەيلەر قولىنا شام الىپ ىزدەۋگە كوشتى. 

سوڭعى جاڭالىقتار