قازاقستاندىق ساربازدار «دوستاستىق جاۋىنگەرى» بايقاۋىندا سۋىرىلىپ العا شىقتى - فوتو

بۇل تۋرالى ق ر قورعانىسى مينيسترلىگىنىڭ باسپا ءسوز قىزمەتى حابارلادى.
قازاقستان، ارمەنيا، بەلارۋس، قىرعىزستان، رەسەي فەدەراتسياسى جانە تاجىكستان اسكەري قىزمەتشىلەرى ءۇش بايقاۋ بويىنشا جارىستى. اتاپ ايتساق، «اتلەت» سايىسى - 100 مەترگە جۇگىرۋ، ەر ازاماتتار بەلاعاشتا بىرىكتىرىلگەن كۇشتىك جاتتىعۋلاردى، ال قىزدار كۇشتىك جاتتىعۋلار جيىنتىعىن ورىنداۋ. «مەرگەن» جارىسى - ءا ك-74 تەكسەرۋ جانە قالىپتى ۇرىس كۇيىنە كەلتىرۋ، باقىلاۋ اتىس جاتتىعۋى جانە اسكەري- سپورتتىق اتىس. «كاسىپقوي» سايىسى - كەدەرگى جولاعىن يگەرۋ، جالپى اسكەري قورعانىس كەشەنىن كيۋ، سۋىق قارۋ لاقتىرۋ جانە نىسانانى دالدەۋ.
ەكى جارىس كۇنىنىڭ قورىتىندىسى بويىنشا ق ر قارۋلى كۇشتەرىنىڭ اسكەري قىزمەتشىلەرىنەن قۇرالعان توپ الدا كەلەدى. ەكىنشى كۇنى قازاقستاندىق اسكەري قىزمەتشى ەر- ازاماتتار اراسىندا باسىم ءتۇسىپ: 1- ورىندى - 97616 اسكەري ءبولىمىنىڭ ۆزۆود سەرجانتى، سەرجانت ورىنبەك ساندىبەكوۆ (153,1) جەڭىپ السا، ەكىنشى ورىندى 68665 اسكەري ءبولىمىنىڭ سەرجانتى، اعا سەرجانت رۋستەم ءساتجانوۆ (152,7)، ءۇشىنشى ورىندى 03811 اسكەري ءبولىمىنىڭ توپ سەرجانتى، اعا سەرجانت ءامىرجان ماۋشيەۆ (145,0) ەنشىلەدى. اسكەري قىزمەتشى قىز- كەلىنشەكتەر اراسىندا 20 دان استام ۇپاي سانىمەن ق ر ق ك وكىلدەرى الدا كەلەدى، اتاپ ايتساق، 85510 اسكەري ءبولىمىنىڭ ەكسپەديتورى، كىشى سەرجانت ليۋدميلا گۋباريەۆا (147,7) ەكىنشى ورىندا - بەلارۋس رەسپۋبليكاسىنىڭ اسكەري قىزمەتشىسى 97020 اسكەري ءبولىمىنىڭ دالالىق بايلانىس تورابى جانە ا ب ق اعا راديوتەلەگرافيسى، ەفرەيتور اننا كوۆاليەۆسكايا (124,3) ءۇشىنشى ورىندى - رەسەي فەدەراتسياسىنىڭ 22277 اسكەري ءبولىمىنىڭ بايلانىس ۆزۆودى، راديوستانسانىڭ راديوتەلەگرافيسى ەلەنا لۋتكوۆا (108,8) يەلەندى.
جالپى كوماندالىق ەسەپ بويىنشا ءبىرىنشى ورىن - 598,5 ۇپايمەن قازاقستان قارۋلى كۇشتەرىنىڭ اسكەري قىزمەتشىلەرىنىڭ، ەكىنشى ورىن 496,8 ۇپاي سانىمەن بەلارۋس رەسپۋبليكاسىنىڭ، ال ءۇشىنشى ورىن 491,3 ۇپاي جيناعان رەسەي فەدەراتسياسىنىڭ ەنشىسىندە. بۇدان كەيىنگى ورىندارعا قىرعىزستان (418,3)، ارمەنيا (377,5) جانە تاجىكستان (179,6) رەسپۋبليكالارى يەلەندى.
19 - تامىز كۇنى سوڭعى «اتلەت» - 1000 جانە 3000 مەترگە جۇگىرۋ جانە «كاۆالەر/سۋدارىنيا» (قىز/جىگىت) ادەبي- شىعارماشىلىق جارىستارى وتسە، 20 - تامىز كۇنى استانا قالاسىنىڭ بەيبىتشىلىك پەن كەلىسىم سارايىندا بايقاۋ جەڭىمپازدارىن سالتاناتتى ماراپاتاۋ ءراسىمى مەن قازاقستاندىق ەسترادا جۇلدىزدارىنىڭ قاتىسۋىمەن گالا- كونسەرت بولادى.