سەرىك احمەتوۆ مەملەكەتكە ميللياردتاعان شىعىن كەلتىردى دەپ ايىپتالۋدا

استانا. قازاقپارات - بۇگىن بۇرىنعى پرەمەر- مينيستر سەرىك احمەتوۆ پەن قاراعاندى وبلىسىنىڭ ەكس- اكىمى باۋىرجان ابدىشيەۆكە قاتىستى ءجۇرىپ جاتقان سوت بارىسىن مەملەكەتتىك ايىپتاۋشى باياندادى.
None
None

اتىشۋلى قىلمىستىق ءىس 338 تومنان تۇرادى، وعان قاتىستى 50 گە تارتا ساراپتامالار جۇرگىزىلگەن. قىلمىستىڭ دالەلدەرى جىپتەي تىزىلگەن ايىپتاۋ اكتىسىنىڭ ءوزى 1300 پاراق. قورىتىندىسىندا سەرىك احمەتوۆكە «مەملەكەت قازىناسىنا 2,5 ميلليارد تەڭگە شىعىن كەلتىردى جانە قىزمەتتىك وكىلەتتىلىگىن تەرىس پايدالاندى» دەگەن ايىپتار تاعىلۋدا.

راۋان توبىقوۆ، قاراعاندى وبلىستىق پروكۋراتۋرا باسقارماسىنىڭ اعا پروكۋرورى:

- احمەتوۆ سارقىندى سۋدى تازالاۋ جۇيەسى قۇرىلىسى بارىسىندا بيۋدجەت قاراجاتىن يەمدەنۋ، سونىمەن بىرگە كاسىپكەرلىك قىزمەتپەن زاڭسىز اينالىسۋ، وزىنە جانە بالاسىنا تيەسىلى كاسىپورىنداردىڭ مۇددەسى ءۇشىن قىزمەتتىك وكىلەتتىگىن تەرىس پايدالانۋ دەرەكتەرى بويىنشا ايىپتالادى. ءىس ماتەريالدارى بويىنشا ونىڭ قىلمىستىق ارەكەتتەرى سالدارىنان مەملەكەتكە كەلتىرىلگەن شىعىننىڭ جالپى كولەمى 2,5 ميلليارد تەڭگەنى قۇرايدى. مىسالعا، احمەتوۆ 2011 -جىلى قاراعاندى وبلىسىنىڭ اكىمى بولا تۇرىپ، باس مەردىگەردى «سەنترستروي- كومپلەكت ن س» ج ش س- مەن 2,4 ميلليارد تەڭگەگە كەلىسىمشارت جاساۋعا ءماجبۇر ەتكەن. وسى كاسىپورىن، احمەتوۆتىڭ كەلىسىمى ارقىلى جوبامەن كوزدەلمەگەن نەعۇرلىم ارزان قۇرىلعىنى جوبالىق باعاسىن تومەندەتپەستەن زاڭسىز ساتىپ العان. وسى دەرەك بويىنشا احمەتوۆ 600 ميلليون تەڭگە پارا العانى ءۇشىن دا ايىپتالادى. سونىمەن بىرگە احمەتوۆ مەملەكەتتىك ساتىپ الۋدى وتكىزبەستەن، ءوزىنىڭ بالاسىنا تيەسىلى «ستال- سينك» ج ش س مەن كەلىسىمشارتتار جاساۋ دەرەگى بويىنشا ايىپتالادى. شارتتىڭ سمەتاسى 969 ميلليون تەڭگەنى، ال مەملەكەتكە كەلتىرىلگەن شىعىن 200 ميلليون استام تەڭگەنى قۇرايدى. بۇدان باسقا، احمەتوۆ وزىنە تيەسىلى «توپار جىلىجايلارى» ج ش س ارقىلى مەملەكەتكە 1,1 ميلليارد تەڭگەگە اسا شىعىن كەلتىرگەنى ءۇشىن ايىپتالادى. بۇل قاراجات جالعان كاسىپورىندار ارقىلى قولما- قول اقشاعا اينالدىرىلعان بولاتىن.

ال باۋىرجان ابدىشيەۆ قىزمەتتىك لاۋازىمىن تەرىس پايدالانۋدىڭ 3 دەرەگى بويىنشا ايىپتالىپ وتىر. سونداي- اق وزگە دە 19 سوتتالۋشىلار دا جالعان قۇجات جاساپ، قىزمەتتىك وكىلەتتىلىگىن اسىرا پايدالانىپ، بيۋدجەت قاراجاتىن تالان- تاراجعا سالعانى ءۇشىن جاۋاپقا تارتىلۋدا.

راۋان توبىقوۆ، قاراعاندى وبلىستىق پروكۋراتۋرا باسقارماسىنىڭ اعا پروكۋرورى:

- ابدىشيەۆكە كەلەتىن بولساق، ول قىزمەت وكىلەتتىگىن تەرىس پايدالانۋدىڭ 3 دەرەگى بويىنشا ايىپتالىپ وتىر. ياعني ول احمەتوۆتىڭ بالاسىنا تيەسىلى كاسىپورىنداردىڭ مۇددەسى ءۇشىن مەملەكەتتىك ساتىپ الۋ ءراسىمىن وتكىزبەستەن كەلىسىمشارتتاردى زاڭسىز جاساۋ، وعان 2 جەر ۋچاسكەسىن زاڭسىز بەرۋ، وزىنە تيەسىلى «ەۆروستاندارتكاراگاندا» ج ش س مۇددەسىنە بولىسا وتىرىپ، وعان مەملەكەتتىك ساتىپ الۋدى وتكىزبەستەن ساياباقتاردى كوركەيتۋ بويىنشا جۇمىستاردى جاساۋ بارىسىندا مەردىگەرلەرگە قىسىم كورسەتىپ، جول توسەنىشتەرىن ساتىپ الۋعا ماجبۇرلەگەنى ءۇشىن ايىپتالادى.

www.24.kz

سوڭعى جاڭالىقتار