مەكتەپ ۇستازى گ. ءابىقالىقوۆاعا قازاق ءتىلىن جەدەلدەتىپ وقىتۋ ادىستەمەسىن تانىستىردى

«مەن بۇگىن ءوز جوبامدى تانىستىرۋعا كەلىپ وتىرمىن. ول قازاق ءتىلىن جەدەلتەتىپ وقىتۋ دەپ اتالادى. بۇل رەسەيلىك عالىم د. پەتروۆتىڭ ادىستەمەسىنىڭ جانە اعىلشىن ءتىلىن ۇيرەتۋ ادىستەمەلەرىنىڭ قازاق تىلىنە يكەمدەلگەن، ىقشامدالعان كوشىرمەسى. ونى قازىرگى تەحنيكالىق قۇرالداردىڭ كومەگىمەن عالامتورعا جاريالاۋ ارقىلى قازاق ءتىلىن ۇيرەنەمىن دەگەن قازاقستاندىقتار مەن شەتەلدىك ازاماتتاردىڭ نازارىنا ۇسىندىق. قازىرگى ۋاقىتتا سۇرانىسى جوعارى بولىپ تۇر»، - دەدى ول كەزدەسۋ الدىندا باق وكىلدەرىنە.
ايتا كەتەيىك، گ. ءابدىقالىقوۆا ەلىمىزدىڭ ءبىلىم بەرۋ جۇيەسىنىڭ قىزمەتكەرلەرىمەن كەزدەستى. جۇزدەسۋ بارىسىندا مەملەكەت باسشىسى ۇسىنعان 5 ينستيتۋتتىق رەفورما اياسىنداعى، سونىمەن بىرگە پەداگوگتاردىڭ مارتەبەسىن كوتەرۋ، اۋىل مەكتەپتەرىنىڭ، تەحنيكالىق ءبىلىم بەرۋ مەكەمەلەرىنىڭ، عىلىمي جانە پەداگوگيكالىق ۇيىمداردىڭ جۇمىستارىنا بايلانىستى وزەكتى ماسەلەلەر تالقىلاندى. تالقىلاۋ ناتيجەسى بويىنشا مەملەكەتتىك حاتشى قۇزىرلى مەملەكەتتىك ورگاندارعا ءبىرقاتار ناقتى تاپسىرما بەردى.
اۆتور: مارلان جيەمباي