الماتىنىڭ اينالاسىندا ازىق- تۇلىك بەلدەۋىن قۇرۋ ستراتەگيالىق ماڭىزدى قادام - ب. بايبەك

 الماتى. قازاقپارات - الماتىدا قالا اكىمى باۋىرجان بايبەك پەن وبلىس باسشىسى اماندىق باتالوۆتىڭ قاتىسۋىمەن كەڭەيتىلگەن جيىن ءوتتى. وتىرىس بارىسىندا الماتىنىڭ ازىق- تۇلىك بەلدەۋى ماسەلەلەرى تالقىلاندى.
None
None

 2008 - جىلدان باستاپ مەملەكەت باسشىسىنىڭ تاپسىرۋىمەن الماتى باسشىلىعى قالانىڭ اينالاسىنداعى ازىق- تۇلىك بەلدەۋىن قالىپتاستىرۋ بويىنشا جۇمىس جاساپ كەلەدى. بۇل ماڭىزدى ستراتەگيالىق مىندەت.

 وسى جىلدار اراسىندا قالادا 16 جىلىجاي، 7 قويما، 6 ءسۇت فەرماسى، 6 مال بورداقىلاۋ كەشەنى، 25 اۋىلشارۋاشىلىعى ونىمدەرىن وڭدەۋ كاسىپورنى قۇرىلدى. بۇل ءوز كەزەگىندە 3375 جۇمىس ورنىن ساقتاپ، وندىرىلگەن تاۋار كولەمىن ەكى ەسەگە ارتتىرۋعا مۇمكىندىك بەردى. قازىرگى تاڭدا ايماقتا جۇرتقا 165 ميلليارد تەڭگە كولەمىندە ازىق تۇلىك جەتكىزەتىن 47 شارۋا قوجالىعى بار. بۇل رەسپۋبليكامىزداعى جالپى كورسەتكىشتىڭ 40 پايىزىن قۇرايدى.

 جيىن بارىسىندا الماتىدا تاۋارىن وتكىزەتىن وبلىستىق اۋىلشارۋاشىلىق سۋبەكتىلەرىن قولداۋ ماسەلەسى دە تىلگە تيەك ەتىلدى. قالا باسشىسى ورتاق لوگيستيكالىق ورتالىقتاردى قۇرۋدىڭ ماڭىزدىلىعىن اتاپ ءوتتى.

 «الماتى وبلىسىنىڭ بوس جەرلەرىندە قارجى قۇيىپ، سونىمەن قالانى ازىق- تۇلىكپەن قامتۋعا نيەت ءبىلدىرىپ وتىرعان ينۆەستورلار كوپ»، - دەدى ول.

جيىن سوڭىندا تاراپتار تۇراقتى تۇردە اۋىلشارۋاشىلىعى تاۋارلارىنىڭ جارمەڭكەسىن وتكىزىپ تۇرۋعا ۋاعدالاستى. سونداي- اق بەيىندى قۇرىلىمدارعا قالا ماڭىندا لوگيستيكالىق ورتالىق، جىلىجاي قوجالىقتارىن قۇرىپ، وبلىستىق وندىرۋشىلەرگە بازارلار مەن ساۋدا ورىندارىندا جەڭىلدىكپەن ورىن ءبولۋ تاپسىرىلدى.

اۆتور: گۇلميرا عوسمانالي

سوڭعى جاڭالىقتار