قىزىلوردالىق فۋتبولشىنىڭ باسى داۋعا قالدى

استانا. قازاقپارات - قىزىلوردالىق «قايسار» فۋتبول كومانداسىنىڭ قورعاۋشىسى سەرگەي كەيلەردىڭ باسى داۋعا قالدى.
None
None

تارازدىق كوماندانىڭ لەگيونەرى يزۋ ازۋكا ونى قارا ناسىلىنە قاتىستى كەمسىتتى دەپ ايىپتاۋدا.

سەرگەيدىڭ كەلەمەج ءسوزىن جانكۇيەرلەردىڭ قۋاتتاي كەتۋى دە افريكالىق ويىنشىنىڭ نامىسىنا تيگەن دەپ حابارلايدى ك ت ك ارناسى.

قوس كوماندا اراسىنداعى كەزدەسۋدىڭ نەبارى 25- مينۋتىندا دوپقا تالاسقان ەكى ويىنشى ءبىر- بىرىمەن ەرەگەسىپ، ارتىنشا جاپپاي توبەلەس بولا جازدادى.

تارازدىق شابۋىلشى يزۋ ازۋكانىڭ سوزىنشە، داۋعا «قايساردىڭ» قورعاۋشىسى كەيلەردىڭ ناسىلشىلدىك سيپاتىنداعى بالاعات ءسوز ايتۋى سەبەپ بولعان. ءبىراق سەرگەي بۇل تاعىلعان ايىپتى جوققا شىعارۋدا.

دەگەنمەن شۋ شىعارعاندارى ءۇشىن ەكى ويىنشى دا الاڭنان قۋىلعان. قازىر بۇل ىسپەن فۋتبول فەدەراتسياسى اينالىسۋدا. 26 جاستاعى نيگەريالىق يزا ازۋكا بۇعان دەيىن پاۆلودار كلۋبىندا ويناعان.

بۇل وتە اۋىر، ءار قارا ءناسىلدىنىڭ جانىنا باتاتىن ءسوز. ول نامىسىما تيسە دە، مەن ءوزىمدى ۇستاۋعا تىرىستىم. نەگىزى دۇرىس بولمادى. سونىڭ كەسىرىنەن ويىننان قۋىلدىق. مەن بۇل جەردە ەندى ەشتەڭە ىستەي المايمىن. شەشىمدى قازاقستان فۋتبول فەدەراتسياسى شىعارادى، دەيدى «تاراز» فۋتبول كلۋبىنىڭ شابۋىلشىسى يزۋ ازۋكا.

سوڭعى جاڭالىقتار