10:48, 18 - تامىز 2015 | GMT +5
الماتى قالاسى اكىمىنىڭ ورىنباسارى قىزمەتىنەن كەتتى
الماتى. قازاقپارات - ەربول شورمانوۆ الماتى اكىمىنىڭ ورىنباسارى قىزمەتىنەن كەتتى.

بۇل اقپاراتتى قالا اكىمىنىڭ باسپا ءسوز قىزمەتى راستادى.
«ازىرگە اتالعان لاۋازىمعا كىم كەلەرى بەلگىسىز. اكىمنىڭ ورىنباسارى بولىپ 6 جىل جۇمىس جاساعان ەربول شورمانوۆ قانداي لاۋازىمعا تاعايىندالاتىنىنان ءبىز حابارسىزبىز»، - دەدى باسپا ءسوز قىزمەتىنەن.
ە. شورمانوۆ 1968 -جىلدىڭ 20 -تامىزىندا دۇنيەگە كەلگەن. قىزمەت جولىن 1991 -جىلى «الماتى» كەدەندىك بەكەتىندە ينسپەكتور قىزمەتىنەن باستاعان.
سودان ار جىلدارى جامبىل، ب ق و، س ق و، الماتى وبلىستىق كەدەندىك بەكەتتەرىندە باسقارۋشى قۇرىلىمدا ەڭبەك ەتكەن.
2008 جىلدان باستاپ الماتى اكىمدىگى اپپاراتىنىڭ جەتەكشىسى لاۋازىمىندا قىزمەت ەتتى.
2009 جىلدان باستاپ وسى كۇنگە دەيىن الماتى اكىمىنىڭ ورىنباسارى بولىپ كەلدى.
اۆتور: گۇلميرا عوسمانالي