20:24, 17 - تامىز 2015 | GMT +5
ق ر س سىرتقى ىستەر مينيسترلىگى بانگكوك پوليتسياسىمەن تۋريستىك ورتالىقتاعى قۋاتتى جارىلىسقا وراي تۇراقتى بايلانىسقا شىعۋدا
استانا. قازاقپارات - ق ر سىرتقى ىستەر مينيسترلىگى بانگكوكتىڭ ىسكەرلىك جانە تۋريستىك ورتالىعىندا بۇگىن ورىن العان قۋاتتى جارىلىستان زارداپ شەككەن نەمەسە قازا تاپقان ەلىمىزدىڭ ازاماتتارىنىڭ بار- جوعىن ناقتىلاۋ ءۇشىن بانگكوك پوليتسياسىمەن ءجيى بايلانىسقا شىعۋدا.

«بانگكوك پوليتسياسىنىڭ قازا تاپقاندار مەن زارداپ شەككەندەر اراسىندا ءبىزدىڭ مەملەكەتتىڭ ازاماتتارىنىڭ جوق ەكەندىگى تۋرالى رەسمي ءارى سوڭعى مالىمەتىن كۇتۋدەمىز»، - دەپ جازادى ق ر س ءى م رەسمي وكىلى التاي ابيبۋللايەۆ تۆيتتەردەگى پاراقشاسىندا.
ايتا كەتەيىك، بانگكوكتا ىسكەرلىك جانە تۋريستىك ورتالىقتا بولعان جارىلىس سالدارىنان 12 ادام قازا تاۋىپ، 20 ادام زارداپ شەكتى.
اۆتور: مارلان جيەمباي