ءۇش اي بۇرىن جوعالىپ كەتكەن كوكشەتاۋلىق بويجەتكەن وڭتۇستىك وڭىردەن تابىلدى

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
ەسكە سالا كەتسەك، ءۇش اي بۇرىن، ياعني، 16 -مامىر كۇنى كەشكى ساعات 19:00 شاماسىندا كوكشەتاۋلىق الميرا كيرينا ۇيىنەن شىعىپ كەتىپ، كەيىن قايتىپ ورالماعان.
جاقىندا ۇزاق ۋاقىتتان بەرى ىزدەۋ سالىنعان ونىڭ وڭتۇستىك قازاقستان وبلىسىنىڭ سارى اعاش اۋدانىنداعى اباي اۋىلىندا جۇرگەنى انىقتالدى. بۇل جونىندە جەرگىلىكتى تۇرعىن كوكشەتاۋ قالالىق ءى ءى ب تەلەفون ارقىلى حابارلاعان.
كەيىن بەلگىلى بولعانداي، بويجەتكەن وڭتۇستىككە جۇك تاسىمالداپ بارا جاتقان «كاماز» جۇك كولىگىمەن كەتىپ قالعان. ول جاقتا ونى جەرگىلىكتى ايەل ۇيىنە كىرگىزىپ، قامقورلىعىنا العان. قازىرگى كەزدە قۇقىق قورعاۋ ورگاندارىنىڭ قىزمەتكەرلەرى اداسىپ كەتكەن قىزدى ۇيىنە الىپ كەلە جاتىر.
ەسكە سالايىق، 2000 -جىلى تۋعان قىز بالا كوكشەتاۋ قالاسىندا تۇرادى. پسيحونەۆرولوگيالىق ديسپانسەردە ەسەپتە تىركەلگەن.
اۆتور: اسلان وسپانوۆ