سەرىك اقسۇڭقار ۇلى. شاھارداعى جىلقىلار

قىتايدى اسقان اساۋ پەگاس ساندال كوك, الاسۇرا اۋىزدىعىن شاينار كەپ.
None
None

قۇلاگەردەن قالعان سەندە قان بار دەپ،

قويا بەردىڭ.

سامعاپ بەردى ساندال كوك،

قايدا تارتساڭ سوندا بارام، ساردار، دەپ.

 

ءتاڭىرى كوكتە،

تاريحى شىڭدا،

ۇلتى جىر -

كۇلتەگىن مەن ماعىجانداردىڭ جۇرتى بۇل.

جىلقى جۇرگەن جەردە اۋناپ تۇركى ءجۇر،

تۇركى جۇرگەن جەردە اۋناپ جىلقى ءجۇر!

 

اپايتوستى، جىلقى مىنەز جۇرت ەدى،

اساۋ كورسە الاۋلاعان كۇرت ءوڭى.

ارعىماقتىڭ سىپىرىپ ال جۇگەنىن،

قايدا تارتسا

سوندا بارسىن تۇركى ەلى!

 

ءدۇبىرى ونىڭ

دوڭبەكشىگەن شەت قالىپ،

شىعىستاعى تۇركىستانعا جەتتى انىق.

كىسىنەيدى كۇللى تۇلپار سونداعى،

شاباتىنداي سارىارقانى بەتكە الىپ.

 

ونىڭ سىرى ءمالىم بىزدەي پەرىگە،

مىڭ سان تابىن جىلقى بىتكەن جەرىنە.

«پەگاس» دەيدى ەرتەدەگى گرەكتەر،

قۇلاگەر- دى ول - قازاق اقان- سەرىگە!

 

باسادى ونى توپىراقتىڭ مىسى كەپ،

التىن بەسىك تۋعان ەلدىڭ ءىشى دەپ.

قىتاي، يران، اۋعان اسىپ كەتسە دە،

كيەسىنە ءبىر كەلەدى -

كىسىنەپ!

 

ارعىماقتار

t1hicatlk9sa 

«ول جىلاعان. دۇنيەجۇزىنىڭ كورەرمەندەرىن كوركىمەن، اسەم جۇرىسىمەن تاڭ- تاماشا قالدىرعان قايران ارعىماق، ءوزىنىڭ سوڭعى كۇنىنە وكىنگەن شىعار... ول تۇرعان ورنىندا جەرگە گۇرس ەتىپ قۇلاپ تۇسكەن...»

/ساۋىربەك باقبەرگەنوۆ/

 

ساۋىربەك اعا!

عافۋ ەت سۇراعانىما،

ارعىماقتاردىڭ دا ادامشا جىلاعانى ما؟ !

ارعىماقتار- اي، عاسىردىڭ مازاق قۇربانى،

مەنىڭ دە قانىم قىر قانى، قازاقتىڭ قانى،

شىنىمدى ايتام، شىنىمدى ساندىراقتاماي.

قۇندىز قىل قۇيرىق سۇرجەكەي، ارعىماقتار- اي!

دالامىز - كىتاپ.

بەتتەرىن اشقاندا كىلەڭ،

تەرەڭ ول، ەرەن عاجايىپ داستاندارىمەن.

ەپوس، ەپوپەياسى قىراتتارىنىڭ

تۇياقتارىمەن جازىلعان پىراقتارىمنىڭ.

ات تۇياقتارىنىڭ دالامدا ازان ساپتى ءانى،

اتا- بابامنىڭ سول ەدى قالامساپتارى.

سول جازعان ەرلىك ەپوسىن وتىرارىما،

ۇلىتاۋىمنىڭ ساندىقتاس شوقىلارىنا.

مىنەكەي، ەندى كوز جاسى تامىپ جاتقانى،

جيىرما ءبىرىنشى عاسىردىڭ توپىراعىنا.

جان سەرىك بولىپ چاپايعا، شورسىڭا دا،

قاتىسقان شاۋىپ ازامات سوعىسىنا دا.

قۇس ۇشىپ قۇلاگەرلەرىم قىزىنىپ قانعا،

ويانعان نويان - ومىرگە قىزىعىپ تاڭعا.

ءبىز ۇمىتقاندا...

ۇمىتپايدى ونى ۋاقىتتىڭ بۇلا قىراندارى،

پەتروگراد تروتۋارلارى.

تاريحتا قالعان ىزدەرى - سونارداعى ىزدەي،

ريەۆوليۋتسيانى ءسۇيىپتى ولار دا - بىزدەي!

جانسەرىك بولىپ چاپايعا، شورسىڭا دا،

قاتىسقان شاۋىپ ازامات سوعىسىنا دا.

ەسىمدە ءالى، ەلەسى جاناردا مىنا،

ەكىنشى دۇنيەجۇزىلىك قىرعىن ءتامامدالعاندا،

قىرىق بەستە قىزىل الاڭدا شۋلاسىپ، ءولىپ،

تاڭ قالدىق ونىڭ تاكاپپار تۇلعاسىن كورىپ!

قامىتتان موينى قان بولىپ كۇيرەپ، اپەندەم،

تۇركىسىب تەمىر جولىن دا سۇيرەپ اكەلگەن.

سول ۋاقىت ءوتتى...

جىلقى ەتى - ۇستەلىمىزدە،

ۆاگون- رەستوراندا ىشكەنىمىزدە،

سامولەت قانا كورەمىز تۇستەرىمىزدە!

ەرتوقىمدارىن شاڭ باسقان، ءبىراق، ورنەگىن،

يپپودرومدارعا قامالعان قۇلاگەرلەرىم -

جىلاپ تۇر!

سونى «ۆولگادان» ءتۇستىم دە كوردىم؛

ات جارىسىنا ورىن جوق ۇستىندە جەردىڭ!

اسپانعا قارا، نە دەگەن كۇشىكتەر ەدى،

بالليستيكالىق زىمىران ۇشىپ كەلەدى!!!

قاراشى قاتتى ىشقىنعان داۋىستارىنا،

بايگەلەر ەندى اسپانعا اۋىسقانى ما؟ !

ساۋىربەك اعا!

عافۋ ەت سۇراعانىما،

ارعىماقتاردىڭ دا ادامشا جىلاعانى ما؟ !

ارعىماقتار- اي!

شىنىمدى ايتام، شىنىمدى ساندىراقتاماي،

كۇي - ولار جىلاۋ دومبىرا شەكتەرىندەگى،

ولار تەك - سويلەم تاريح بەتتەرىندەگى!

قالعانى سودان - ەسكىرمەس، توزباستىڭ ءبىرى،

ارقامدى شىمىرلاتاتىن ولجاستىڭ جىرى.

ءبىر كەزدەسۋدە اتبەگى تۇگەل كەلىپ تە،

ءبىر ساۋال قويعان سول ولجاس سۇلەيمەنوۆكە:

«ءبىزدى دە، اقىن، اتتاردىڭ جاتى ساناما،

تۇلپارلار ەندى سوعىسقا قاتىسا الا ما؟ !»

سول كەزدە اقپاي قالعان ءبىر اقىل، توزىمنەن،

ابسەنتتىڭ جاسىن كورىپ ەم - اقىن كوزىنەن.

تۇردى ولجاس سوندا جۇرەگى قان جوسا بولىپ،

تۇنجىراپ كەتتى: «تۇلپارىڭ زورلاسا - كونىپ،

قاتىسار - دەدى - تەك قانا كولباسا بولىپ!!!»

مەنداعى سوندا ىشىمنەن جىلاپ ەڭىرەدىم،

تۇرا بەرگەنىم، جەر شۇقىپ، تۇرا بەرگەنىم،

يپپودرومدارعا قامالعان قۇلاگەرلەرىم...

 

قاراگەردى بايگەگە سالارداعى وي

MQqwvX_s7eI  

قاراگەرىم، كىنارات جوق مۇسىندە ەش،

ەرگە قونعان ەر ەڭسەسىن تۇسىرمەس.

سۇلۋلىققا سۋعاراتىن كوزىڭدى،

سۇلۋ جىلقى - سۇلۋ ايەل پىشىندەس.

 

ءتۇستى- اۋ قولعا دەپ جۇرگەندە: «جەتەم عوي...»

قۇلاگەرلەر قىلاڭ ۇرعان مەكەن عوي.

تۇياعىمەن تۇلپار تۇرسا جەر تارپىپ،

تۇعىر بولىپ تۋۋ - كۇنا ەكەن عوي!

 

ەۋروپا ەرتە جەكسە كۇيمەنى،

قازاق قىردا ارعىماقپەن بيلەدى.

جاراسادى بۇل تۇقىمعا اقاننىڭ -

قۇلاگەرى، جۇماتايدىڭ - جيرەنى.

 

قىر توسىندە تۇياقتان شاڭ جوسىلسا،

نەتكەن سەرى، سال جۇرت ەدىك وسىنشا:

قۇلاگەر مەن جيرەندەرگە ەندى كەپ،

مىنا مەنىڭ قاراگەرىم قوسىلسا!

 

قاراگەرگە كوزى ءتۇسىپ، توسىلىپ،

وسىنداعى ويىندارى وسىلىپ، -

باسى لاقسىن، باسىن كەسىپ الا الماي،

باتىراشقا قوتىراشى قوسىلىپ!

 

تۇياعىڭمەن جەردەن ءىنجۋ ارشىپ ال،

جونەل ەندى، جەل وتىنە قارسى بار.

سەنىڭ دە ءبىر باتىراشىڭ بار شىعار،

سەنىڭ دە ءبىر قوتىراشىڭ بار شىعار.

 

ال، قاراگەر، بەۋ، «سارىارقا» كۇيىنىڭ،

نوتاسىمەن باس كەۋدەڭنىن كۇيىگىن.

قارا شاڭ ساپ قارقارالى شەتىنە،

بەتىڭە ۇستا اقسوراڭنىڭ بيىگىن.

 

مەن وزىڭە جەلگە مىنسەم جەتەم عوي،

قۇلەگەرلەر قىلاڭ ۇرعان مەكەن عوي.

تۇياعىمەن تۇلپار تۇرسا جەر تارپىپ،

تۇعىر بولىپ تۋۋ - كۇنا ەكەن عوي.

  

ەكى جىلقىشى تۋرالى ەكى ءتۇرلى باللادا

 Jylkyshylar

ەكەۋى دە تاۋ ۇلى،

ەل سۋاردى ەكەۋىنىڭ ساۋىنى.

ساپىرىلىپ كۇبى- كۇبى قىمىزى،

قاتار جاتىر ەكەۋىنىڭ اۋىلى.

 

ورال اعام وت- مۇزدا،

تۇرعانىن ايت قاراۋىلداي بوپ قۇزدا.

ات ۇستىنەن تۇسپەيدى اياز اتا بوپ -

اق قار، كوك مۇزدا.

 

كىم جىلقىشى دەيدى سامەت اعانى،

«ۆولگاسىمەن» ولاي- بۇلاي اعادى.

ول ءبىر شونجار، التى مىڭداي جىلقىسىن،

قاعىلعان مەن سوعىلعان كەپ باعادى.

 

قوس جىلقىشى... قوس- قوس قوستى پاڭ دالا،

اق- قاراسىن بىلەتۇعىن اللا دا،

اق- قاراسىن بىلەتۇعىن پەندە دە،

ەكى اعام - بۇل ەكى ءتۇرلى باللادا.

 

حان تاعىندا -

وسى ۇلىستىڭ قولىنا ۇستاپ باعىن دا،

ورال اعام تابىن قوستى تابىنعا.

...سامەت جۇرتتىڭ جاۋشا ءتيدى مالىنا.

 

زاۋلاپ ءوتتى سودان كەيىن اعىن جىل،

كوزدەن ۇشقان ساعىم- ءدۇر.

ورال اعام جىلقىشى ءارى اتاقتى،

سامەت سيىر باعىپ ءجۇر...

 

سارى ايازدا ساقىلداسا ءتىسى كەپ،

كوز الدىنا قۇبا قىلاڭ ءتۇسى كەپ، -

وياتادى ات ۇستىنەن ورالدى،

قالىڭ جىلقى كىسىنەپ.

 

تۇياقسىز قالسا الاپ - تۇل.

ورال اعام ارعىماقتى - قاناتتى ۇل،

قايدا الگى قارا ايعىردىڭ ءۇيىرى،

قايدا الگى قۇلاي ايعىردىڭ ءۇيىرى؟ !

قارا بۇقا سامەتكە قاراپ تۇر...

 

ەل اماندا، جۇرت تىنىشتا جۇتاعان،

ەسىل مالدى تابارسىڭ قاي بۇتادان؟

قاباق ءتۇيىپ قاراپ تۇرعان سامەتكە،

قورقام وسى بۇقادان!

 

جالعىز قوستى پاڭ دالا،

قارايعانعا قارايتىنداي شامدانا:

وزەگىمە قۇيىلادى ولەڭ بوپ،

ءومىر دەيتىن ەكى ءتۇرلى باللادا...

 

شاھارداعى جىلقىلار

 Mustang escultura

تۇياعى جەر تىلگىلەپ،

بالشىق - جونى، ءبۇيىرى، -

قاراعاندىعا كىردى كەپ،

قاراگەردىڭ ءۇيىرى.

 

الاس- كۇلەس توپتارى،

اسفالت جولعا بوپ ءتاڭىرى -

اۆتوبۋستار توقتادى،

اۆتو بىتكەن توقتادى!

 

قايدان كەلگەن ساندالىپ،

شابا- شابا جاراپ ءبىر.

«وربيتاعا» تاڭ قالىپ،

وقىرانا قاراپ تۇر.

 

جاسقا تولى جانارى،

ءبارى دە ۇركەك اشۋلى.

قىمىزحانا جارنامالارى،

كوزىنە وتتاي باسىلدى!

 

جەلىدەگى قۇلىن مەن

بيە ەدى ول شىدەرلى.

سونى كورىپ... ءبىر ۇنمەن،

كىسىنەپ- كىسىنەپ جىبەردى!

 

ۇلگەرمەدى اۆتولار،

نە - كىدىرىپ، نە - تۇرىپ:

كوكجيەككە اقتى ولار،

كوكتەي ءوتىپ - سەكىرىپ...

 

تۇرا شاپتى كۇيىنە!

قاراگەر جالت قارادى:

كوزىنەن بۇل دۇنيە،

جىلاپ كوشىپ بارادى.

 

سەرىك اقسۇڭقار ۇلى، اقىن

argymaq.kz 

سوڭعى جاڭالىقتار