11:39, 17 - تامىز 2015 | GMT +5
بايان ەسەنتايەۆانىڭ قىزى سىنعا ىلىكتى
استانا. قازاقپارات - الەۋمەتتىك جەلى قولدانۋشىلارى بايان ەسەنتايەۆانىڭ قىزىنىڭ اعىلشىنشاسى مەن قازاقشاسىن قاتاڭ سىنعا الدى.

بايان ەسەنتايەۆا ءوزىنىڭ Instagram-داعى پاراقشاسىندا تەز ارادا ءبىر قۇجاتتى جەتكىزۋ تۋرالى جۇرتقا ءوتىنىش بىلدىرگەن بولاتىن. كەيىننەن قىزىنىڭ سول ماسەلە بويىنشا تەلەفونمەن اعىلشىنشا سويلەسىپ جاتقان ۆيدەوسىن سالدى.
ارتىنشا حالىق «قازاقشا سويلەسىپ جاتقانىن سالماس ەدىڭىز، اعىلشىنشا سويلەگەن ماقتانىش پا؟ قازاقشانى وسىلاي سويلەي الادى ما؟» دەپ سىنادى. وسىدان كەيىن بايان قىزىنىڭ قازاقشا دا جاقسى سويلەي الاتىنىن دالەلدەۋ ماقساتىندا ايساۋلەنىڭ تەرىس پىكىر بىلدىرگەندەرگە قازاقشا جاۋاپ بەرگەن ۆيدەوسىن دا جۇكتەدى. دەگەنمەن ءبىرى ماقتاپ جاتسا، ەندى ءبىرى «قازاقشا سويلەي المايدى، سوزدەرى جاتتاندى» دەپ قازاقشاسىن دا ءبىراز تالقىعا سالىپ ۇلگەردى.
baistars.kz