جىلجىمالى كەشەندەر ەلىمىزدىڭ شالعاي اۋىلدارىن ارالاپ، تەگىن مەديتسينالىق كومەك كورسەتەدى

دەپ حابارلايدى ق ر د س ءا د م مينيسترلىگىنىڭ باسپا ءسوز قىزمەتىنەن.
قىزان، جىنعىلدى، باسقۇدىك، 3-ماڭعىستاۋ اۋىلدارىنىڭ تۇرعىندارى تەگىن سكرينينگتىك تەكسەرۋلەردەن ءوتىپ، الەۋمەتتىك ماڭىزدى اۋرۋلار بويىنشا اقىسىز مەديتسينالىق كومەك الاتىن بولادى. جۇمىلدىرۋ توپتارىنىڭ قۇرامىندا كوز دارىگەرلەرى، وفتالمولوگتار، حيرۋرگتار، اكۋشەر- گينەكولوگتار، تەراپيەۆتەر، پۋلمونولوگتار، پەدياترلار جانە كارديولوگتار بار.
وسى كۇندەرى جىلجىمالى مەديتسينالىق كەشەندەر قاراعاندى وبلىسى شەت اۋدانىنىڭ قايراقتى، ەركىندىك، جۇمىسكەر اۋىلدارىنا بارادى. مەديتسينالىق كومەكپەن جاسوسپىرىمدەر، جاستار، بارلىق مەنشىك تۇرىندەگى ۇيىمداردىڭ جۇمىس بەرۋشىلەرى جانە جۇمىسكەرلەرى سياقتى ماقساتتى توپتار قامتىلادى.
17- تامىزدا جىلجىمالى مەديتسينالىق كەشەندەر اقمولا وبلىسىنىڭ قورعالجىن اۋدانىنا، 19 جانە 20 - تامىز ارالىعىندا جاقسى، ەسىل، جارقايىڭ اۋداندارىنا بارادى. كامپانيا وبلىستىڭ مەديتسينا ۇيىمدارىنىڭ جانە سالاۋاتتى ءومىر سالتىن قالىپتاستىرۋ ورتالىعى ماماندارىنىڭ قاتىسۋىمەن ۇيىمداستىرىلادى.
ال 19 - تامىزدا جىلجىمالى مەديتسينالىق كەشەندەردىڭ قوستاناي وبلىسىنىڭ قاراسۋ اۋدانىنا شىعۋى جوسپارلانۋدا.
اۋىل تۇرعىندارىنا سالاۋاتتى ءومىر سالتىن قالىپتاستىرۋ ماسەلەلەرى، الەۋمەتتىك ماڭىزدى اۋرۋلار بويىنشا وقۋ- اقپاراتتىق جانە تاجىريبەلىك كومەك كورسەتۋ ماقساتىندا اعىمداعى جىلعى 1 - شىلدە مەن 31 - تامىز ارالىعىندا رەسپۋبليكانىڭ بارلىق وڭىرلەرىندە «دەنساۋلىق جولى-2015» كەڭ كولەمدەگى اكسياسى ءوتىپ جاتقانىن ەستەرىڭىزگە سالامىز.