20:20, 14 - تامىز 2015 | GMT +5
ۇلكەن الماتى وزەنى ارناسىنان تاسىدى
استانا. قازاقپارات - كەشە كەشكە الماتىدا تولاسسىز جاۋىن سالدارىنان ۇلكەن الماتى وزەنى ارناسىنان تاسىدى، دەپ حابارلايدى Bnews.kz.
وزەنگە جاقىن جاتقان اۋماقتاردى سۋ شايۋى مۇمكىن دەگەن قاۋىپ بار. قازىرگى كەزدە ءال-فارابي جانە تورايعىروۆ كوشەلەرى ماڭىنداعى وزەن سۋى ارناسىنان تاسىپ جاتىر. «شاحريستان» تۇرعىن ءۇي كەشەنىنىڭ جانىنداعى ادامدار وتەتىن كوپىر سۋ استىندا قالدى.
جەرگىلىكتى ت ج د قىزمەتكەرلەرى داۋىل تۇرادى دەپ ەسكەرتىپ وتىر. سونىمەن قاتار، مامانداردىڭ ايتۋىنشا، جاڭبىردىڭ كوپ جاۋۋى سالدارىنان الماتى وبلىسىنىڭ تاۋلارىندا سەل ءجۇرۋ قاۋپى بار.
ال ەسەنتاي جانە كىشى الماتى وزەندەرىندە سۋ ءوز دەڭگەيىندە تۇر.
