روزا رىمبايەۆا زەينەتاقى قورىنان نەلىكتەن ءوز اتىندا ەكى شوت اشىلعانىن ءتۇسىندىرۋدى سۇرادى - فوتو
اتاقتى ءانشىنىڭ باس كەڭسەگە باس سۇعۋى سالىمشىلار اراسىندا ءبىراز تولقۋ تۋدىردى.
روزا قۋانىش قىزى وپەراتسيالىق بولمەدە مامانمەن كەڭەس جۇرگىزىپ جاتقاندا جۇلدىزبەن سۋرەتكە تۇسۋگە جانە ونىڭ قولتاڭباسىن الۋعا نيەت بىلدىرگەن ادامدار فويەدە كەزەككە تۇرىپ جاتتى.
ب ج ز ق قىزمەتكەرلەرىنىڭ ايتۋىنشا، قور دەرەكتەرىندە ءانشىنىڭ اتىندا ەكى جەكە شوت اشىلعان ەكەن.
«ءبىرىڭعاي جيناقتاۋشى زەينەتاقى قورى سالىمشىلارىنا ۇنەمى قامقورلىق كورسەتەدى، سول ءۇشىن كوپ راحمەت. بارلىق قازاقستاندىقتار ءبىر قوردا ەكەندىگىمىزدى قولدايمىن. قوردىڭ ماماندارى ءوز ءىسىنىڭ مايتالماندارى بولىپ تابىلادى. وسى كۇنگە دەيىن مەنىڭ اتىمدا ەكى شوت بولىپتى. ول تۋرالى جەكە جيناقتاۋشى زەينەتاقى قورلارى ماعان حابارلاعان جوق. ال، ب ج ز ق جارايسىڭدار! مەن ءوز جيناقتارىم ءۇشىن ۋايىمدامايمىن»، - دەدى روزا قۋانىش قىزى.
كەتەر الدىندا ول بجزق سالىمشىلارىنا زور دەنساۋلىق تىلەدى، سونداي-اق ءوز بولاشاقتارىنا جاۋاپتى بولۋ كەرەكتىگىن ايتتى.
«ءسىز ءوز ەسكى ەلەكتروندىق پوشتاڭىزدى اۋىستىرعان بولساڭىز، تۇرعىلىقتى جەرىڭىزدى، تەگىڭىزدى وزگەرتكەن بولساڭىز، مىندەتتى تۇردە قوردى حاباردار ەتىڭىز»، - دەپ كەڭەس بەردى ءانشى.
