قازاق انشىلەرىنە قاۋىپ قايدان؟
الايدا، ولاردىڭ تانىمالدىلىعى ارتقان سايىن ومىرلەرى دە قاۋىپكە تولى بولاتىنى انىق.
قىزعانىش، كورە الماۋشىلىق، باسەكەلەستىك. مىنە، وسى ءبىر دۇنيەلەر تانىمالدىلىعى كۇن سايىن ارتقان جۇلدىزداردىڭ دۇشپاندارىن كوبەيتەدى.
قاساقانا جاسالعان قاستاندىقتار اسىرەسە الەمدى مويىنداتقان جۇلدىزداردىڭ ومىرىندە ءجيى بولادى. پوپ- ءانشى بەيونسقا وسىدان ەكى جىل بۇرىن برازيليادا وتكەن جەكە كونسەرتىندە قاستاندىق جاسالدى. شىعارماشىلىق كەشىندە بەلگىسىز بىرەۋ ساحنانىڭ ورتاسىندا ءان ايتىپ تۇرعان جۇلدىزدىڭ قولىنان تارتىپ، الىپ قاشپاق بولعان. ءتىپتى، سول وقيعادان كەيىن ءانشى كونسەرتىن توقتاتۋعا تۋرا كەلگەن.
وسىدان ون جىل بۇرىن ءانشى اۆرام رۋسسونىڭ تەمىر تۇلپارىنا بەلگىسىز بىرەۋلەر وق جاۋدىرعان. سول كەزدە كەۋدەسىنەن جاراقات العان رۋسسو ۇزاق ۋاقىت ءومىر مەن ءولىم اراسىندا جاتتى. كەيىن ءمالىم بولعانداي، ءانشىنىڭ پروديۋسەرى بۇل قادامعا بارعانى بەلگىلى بولدى.
ال تالانتىنىڭ ارقاسىندا تانىمالدىققا ەرتە قول جەتكىزگەن ءانشى دجاستين بيبەردىڭ جاۋلارى جانكۇيەرلەرىنەن دە از ەمەس. ۆەرمونت قالاسىندا وتكەن كەشتەرىنىڭ بىرىندە ءانشىنى 45 جاستاعى ەر ادام گالستۋكپەن قىلقىندىرىپ ولتىرمەكشى بولعان. ءوزىنىڭ سۇيىكتى انشىسىنە بۇلاي قاستاندىق جاساۋىنىڭ سەبەبىن ول جازعان حاتىنا جۇلدىز ءمان بەرىپ قاراماۋىنان ەكەن.
ال وتاندىق انشىلەردىڭ ءومىرى قانشالىقتى قاۋىپتى؟
31- ارنا
