سولتۇستىك قازاقستاندا ءبي الاڭى اشىلدى

پەتروپاۆل. قازاقپارات - پەتروپاۆل قالاسىنىڭ مادەنيەت جانە دەمالىس ساياباعىندا بۇرىنعى ستيلدەگى ءبي الاڭى پايدا بولدى.

ۇيىمداستىرۋشىلار وتكەن عاسىردىڭ 80- جىلداردىڭ سوڭى مەن 90- جىلداردىڭ باسىنداعى كەزەڭدى قايتا جانداندىردى.

بۇل جەردە ارنايى ورىن ازىرلەنگەن، وعان ءبي اۋەسقويلارى جينالاتىن. بۇل تۋرالى س ق و اكىمىنىڭ باسپا ءسوز قىزمەتىنەن حابارلاندى.

شىعارماشىلىق ۇجىمدار تۇرعىندار ءۇشىن ۇزدىك نومىرلەرىن دايىندادى. ارتىستەر ءبي الاڭى پەتروپاۆلدىقتاردىڭ سۇيىكتى كەزدەسۋ ورنىنا اينالاتىنىنا ءۇمىتتى. ءان ايتۋعا اۋەس جاندارعا كاراوكە ورناتتى.

 قازاقستان رەسپۋبليكاسىنىڭ حالىق ءارتىسى ليۋدميلا ۆانيۋكوۆا- تۋرپايان قالالىق ساياباقتاعى مۇنداي وزگەرىستەرگە رازى جانە وبلىس باسشىلىعىنا ۇلكەندەرگە دەگەن قۇرمەتى ءۇشىن العىسىن بىلدىرۋدە.

«مەن ساياباق ماڭىندا تۇراتىنمىن، ۇنەمى الاڭعا كەلەتىنبىز. بيلەدىك، ارالاستىق. ءقازىر ساياباق كوركەيدى. وبلىس باسشىلىعىنا قامقورلىعى ءۇشىن راحمەت»، - دەدى ليۋدميلا نيكولايەۆنا.

سولتۇستىك قازاقستان وبلىستىق فيلارمونياسىنىڭ سوليسى نيكولاي كولوكولچيكوۆ قالا تۇرعىندارى الاڭنىڭ اشىلۋىن كۇتكەنىن اتاپ ءوتتى.

ەندى مۋزىكالىق كەشتەر ءار جۇما، سەنبى جانە جەكسەنبى كۇندەرى وتەدى.

اتاپ ءوتۋ كەرەك، الاڭ سولتۇستىك قازاقستان وبلىسىنىڭ اكىمى ەرىك سۇلتانوۆتىڭ باستاماسىمەن اشىلدى.