وڭتۇستىك قازاقستاندا ارحەولوگتار العاش رەت جاۋىنگەر ايەلدىڭ سۇيەگىن تاپتى - فوتو
بۇل - از زەرتتەلگەن قاڭلى مەملەكەتىنىڭ وكىلى. قازاقستان تاريحى تۋرالى بىردە-ءبىر وقۋلىقتا وندا جاۋىنگەر ايەل بولدى دەگەن دەرەك جوق.
بۇل تۋرالى khabar.kz جازادى.
ارحەولوگتار ءار سانتيمەتردى ەلەپ-ەكشەۋدە. جاۋىنگەر ايەلدى مۇقيات زەردەلەۋدە. ونىڭ جاسى 2300 جىلدى قۇرايدى.
ايەلدىڭ وڭ قولىندا تەمىر جەبەنىڭ ەكى ءتۇرى، م- ۇلگىسىندەگى ساداق ەلەمەنتى، قانجار جانە كىشكەنە پىشاق بار، ال سول جاعىندا ۇلكەن قىلىش، سۇيەكتەردەن جاسالعان كوپتەگەن بۇيىمدار بار. كەيبىر زاتتاردى ماماندار ءالى دە انىقتاۋ ۇستىندە.
ەندى جاۋىنگەر ايەلدى قازاقستاننىڭ ورتالىق مەملەكەتتىك مۇراجايىنا اپارماق. وعان جانە باسقا دا جادىگەرلەرگە ارنايى ساراپتاما جاسالادى.
وسى كۇلتوبە قالاشىعىندا ەكى مىڭ جىل بۇرىن ۇلكەن قالا بولعان. 23 جىل ارنايى ەكسپەديتسيا بۇل جەردەن وتكەن ءداۋىردىڭ جادىگەرلەرىن تاۋىپ كەلەدى. قازىر تاعى ءبىر قورعاندى اشىپ جاتىر. عالىمدار بۇل جەردە ءالى تالاي قىزىقتى دۇنيەلەر تاباتىنىنا سەنىمدى.
