س ق و- دا «قۇلان» جانە «سىباعا» باعدارلامالارىنىڭ يگىلىگىن كورۋشىلەر سانى ارتۋدا - فوتو

پەتروپاۆل. قازاقپارات - سولتۇستىك قازاقستان وبلىسى قىزىلجار اۋدانى بۋگروۆوە اۋىلىنىڭ تۇرعىنى دميتري كاينوۆ «قۇلان» جانە «سىباعا» باعدارلامالارىن پايدالانىپ، وتكەن جىلى 14 ميلليون تەڭگە نەسيە الىپ، 39 ءىرى قارا مال مەن 11 جىلقى ساتىپ الدى.

«قازىر مەندە 120 قازاقتىڭ اق باس سيىرى مەن 50 جىلقى بار. ال ءوز قاراجاتىما تراكتور مەن باسقا دا اۋىل شارۋاشىلىعى تەحنيكاسىن ساتىپ الدىم. ەندى ءوتىنىم بەردىم، مەملەكەت ماعان سول تەحنيكاعا جۇمساعان قاراجاتىمنىڭ جارتىسىن قايتاراتىن بولدى»، - دەيدى دميتري كاينوۆ.

ونىڭ ايتۋىنشا، قازاقستاندا مال شارۋاشىلىعىن دامىتۋعا نيەت بىلدىرگەندەر ءۇشىن بارلىق جاعداي جاسالعان.