قۇرامىندا قازاقستاندىق عارىشكەر بار ەكيپاج ۇشىرىلىم باعدارلاماسىنىڭ ەلەمەنتتەرىن ورىنداۋدان ەمتيحاندىق جاتتىعۋدى ءساتتى اياقتادى - فوتو

استانا. قازاقپارات - گاگارين اتىنداعى عارىشكەرلەردى دايىنداۋ ورتالىعىندا ەكى كۇنگە سوزىلعان كەشەندى ەمتيحاندىق جاتتىعۋ اياقتالدى.

حعس بارۋ ەكسپەديتسياسىنىڭ 45/46 نەگىزگى جانە قايتالاۋشى ەكيپاجدارىن دايىنداۋدىڭ قورىتىندى كەزەڭى ءوتتى. عارىشكەرلەر مەن استرونوۆتار ەمتيحاندى ويداعىداي تاپسىردى، دەپ حابارلادى روسكوسموس باسپا ءسوز قىزمەتى.

 نەگىزگى ەكيپاج «سويۋز ت م ا-م» كولىكتىك باسقارىلاتىن كەمەدە ۇشىرىلىم باعدارلاماسىنىڭ ەلەمەنتتەرىن ورىنداۋ بويىنشا ەمتيحاندىق جاتتىعۋدان ءوتتى. سەرگەي ۆولكوۆ، اندرەاس مونەنسەن مەن ايدىن ايىمبەتوۆ وقىس جاعدايلاردى ۋاقتىلى تاۋىپ، ولاردى جەدەل جويدى. ولار الدىنا قويعان مىندەتتى ءوزارا تۇسىنىستىك، تەرەڭ ءبىلىم مەن ءجىتى داعدىلارىنىڭ ارقاسىندا ورىنداپ شىقتى، دەپ اتاپ ءوتتى باسپا ءسوز قىزمەتىنەن.

قۇرامىندا روسكوسموس عارىشكەرلەرى ولەگ سكريپوچكي، سەرگەي پروكوپيەۆا جانە ە ع ا استروناۆتى تومل پەسكە بار قايتالاۋشى ەكيپاج كۇنى بويى ح ع س رەسەيلىك سەگمەنتىنىڭ جاتتىعۋ قۇرىلعىسىندا جۇمىس ىستەدى. ولاردىڭ دالدىگى، جىلدام دەن قويۋى، جۇمىلىپ ارەكەت ەتۋى بارلىق وقىس جاعدايلاردى ويداعىداي ەڭسەرۋگە سەپتىگىن تيگىزدى.

دۇيسەنبىدە عدو كوميسسيا وتىرىسىندا ەكيپاجداردىڭ جۇمىس ناتيجەلەرى قارالىپ، ولاردىڭ ودان ءارى دايىندىعى جايلى شەشىم قابىلدانادى، دەپ حابارلادى روسكوسموستان.

 بايقوڭىر عارىش ايلاعىنان ح ع س-45/46/ەپ-18 ەكيپاجىمەن «سويۋز ت م ا-18م» ۇشىرۋ 2015 -جىلعى 2 -قىركۇيەككە كوزدەلگەن. كەمە كومانديرى سەرگەي ۆولكوۆ ح ع س- دا جارتى جىل جۇمىس ىستەيدى دەپ جوسپارلانۋدا. ال ارىپتەستەرى - العاشقى داتتىق عارىشكەر اندرەاس موگەنسەن مەن قازاقستاندىق عارىشكەر ايدىن ايىمبەتوۆتىڭ ساپارى 10 تاۋلىككە سوزىلادى.