سەمەيدە قۇندى كىتاپتار كورمەسى ءوتتى

استانا. قازاقپارات - قازاق حاندىعىنىڭ 550 جىلدىعىنا وراي سەمەيلىك وقىرماندار سيرەك كەزدەسەتىن كىتاپ كورمەسىن تاماشالاۋعا مۇمكىندىك الدى.

ولار قۇندى كىتاپتاردى كورۋمەن قاتار وقي دا الادى. باسىلىمداردىڭ كوپشىلىگى XVII- XX عاسىرلار ارالىعىندا جارىق كورگەن.

وقىرماندار اسىرەسە قاسيەتتى قۇران كىتابىن وقۋ بويىنشا جازىلعان قىسقاشا جازباعا ەرەكشە قىزىعۋشىلىق تانىتىپ جاتىر. كورمەگە 300 دەن استام كونە تۋىندى قويىلىپتى.

ولاردىڭ اراسىندا ەنتسيكلوپەديالار، اتلاستار، ءبىلىم جانە ءدىني تانىمدىق، عىلىمي كىتاپتارمەن قاتار مەرزىمدى باسىلىمدار دا بار.

بەكەن تەمىروۆ، ولكەتانۋ مۇراجايىنىڭ ديرەكتورى:

- ءار كىتاپتىڭ ءوزىنىڭ تاعدىرى بار، ونىڭ كەلۋ جولى، ءبىزدىڭ كىتاپحاناعا ءتۇسۋ جولى. ودان كەيىنگى ءومىرى وتە قىزىقتى. مىنە، ءبىز وسى كىتاپتاردىڭ %1 ىن عانا، 300 دەي داناسىن كورمەگە قويۋعا مۇمكىندىك الىپ وتىرمىز.

www.24.kz