اياگوزدەن اقسۋاتقا دەيىنگى جول ەكى ەسەگە قىسقارادى - ش ق و اكىمدىگى

استانا. قازاقپارات - ش ق و اكىمى دانيال احمەتوۆ جۇمىس ساپارىمەن تارباعاتاي اۋدانىندا بولدى.

ايماق باسشىسى اياگوز اۋدانىنان تارباعاتاي اۋدانىنا دەيىنگى اۆتوجولدىڭ جاعدايىمەن تانىستى. اۋداندا قۇرىلىس نىساندارى مەن اۋىلشارۋاشىلىق قۇرىلىمدارىنىڭ بارىسىن باقىلاپ قايتتى، دەپ حابارلايدى وبلىس اكىمىنىڭ باسپا ءسوز قىزمەتىنەن.

بۇعان دەيىن 2016 -جىلى جوندەلەتىن اۆتوكولىك جولدارى بويىنشا وتكەن جيىندا وبلىس اكىمى جوندەلەتىن جولداردى ءوزى جەكە كورىپ، كەيىن جوسپارىن بەكىتەتىنىن ايتقان بولاتىن. وسى ماقساتپەن دانيال احمەتوۆ اياگوزدەن تارباعاتاي اۋدانىنا دەيىنگى اۆتوجولمەن ءجۇرىپ ءوتتى. ايماق باسشىسى «قازاۆتوجول» ا ق» ۇ ك ش ق و فيليالىنا ءبىرقاتار ەسكەرتۋلەر جاسادى. اياگوز- اقسۋات اۆتوجولىنىڭ جوندەلۋى جول مولشەرىن ەكى ەسە قىسقارتادى. سونىمەن قاتار تاۋلىگىنە كولىك سانىن 200 دەن 1500 گە دەيىن كوبەيتپەك. بۇگىنگى تاڭدا جولاۋشىلار اياگوزدەن اقسۋاتقا دەيىن الماتى- وسكەمەن رەسپۋبليكالىق تاس جولى ارقىلى قالباتاۋ اۋىلى ارقىلى ارتىق 200 ك م جولدى ءجۇرىپ وتەدى.

سونىمەن قاتار وبلىس اكىمى تارباعاتاي اۋدانىندا بازار وزەنىندەگى سۋ توعانىنىڭ قۇرىلىسىمەن تانىستى. قۇرىلىس جۇمىستارى وتكەن جىلدىڭ قاراشا ايىندا باستالعان، جوبا قۇنى 848 ميلليون تەڭگەنى قۇرايدى.

ايماق باسشىسىنىڭ تانىسقان كەلەسى نىسانى - قۇرىلىسى ءجۇرىپ جاتقان سپورت مودۋلىمەن تانىستى. قۇنى 197 ميلليون تەڭگەنى قۇرايتىن قۇرىلىس 2014 -جىلدىڭ تامىز ايىندا باستالىپ، ءبىر جىلدان كەيىن اياقتاۋ كەرەك بولاتىن. مەردىگەر كومپانيانىڭ ولقىلىعىنان جۇمىستىڭ %30 عانا ورىندالعان. وبلىس اكىمى قۇرىلىس باسقارماسىنا ءتيىستى شارالاردى قولدانۋدى تاپسىردى. مەردىگەر كومپانيا باسشىلىعى قازان ايىندا قۇرىلىستى اياقتاۋعا ۋادە بەردى.

سونداي- اق، وبلىس اكىمى قۇمكول اۋىلىنداعى اۋىلشارۋاشىلىق تەحنيكاسىنىڭ جارمەڭكەسىندە بولىپ، اقجار اۋىلىنداعى «قونىس» شارۋا قوجالىعىنىڭ ءسۇت سەحىنىڭ جۇمىسىمەن تانىستى.