الداعى ءۇش ايدا بايقوڭىردان ءۇش رەت ۇشىرۋ كەستەسى بەكىتىلدى

بايقوڭىر. قازاقپارات - روسوكوسموس بايقوڭىردان تاياۋداعى ءۇش ايدا وتەتىن ۇشىرۋلاردىڭ كەستەسىن قاراستىرىپ، بەكىتتى.

بۇل تۋرالى رەسەي عارىش ۆەدومستۆوسىنىڭ باسپا ءسوز قىزمەتىنەن حابارلادى.

حالىقارالىق عارىش ستانساسىنىڭ (ح ع س) باعدارلاماسى بويىنشا 2015-جىلدىڭ 2- قىركۇيەگىنە بورتىندا حالىقارالىق ەكيپاج وتىراتىن «سويۋز ت م ا-18م» كولىكتىك باسقارىلاتىن كەمەنى ۇشىرۋ جوسپارلاندى.

ال 2015-جىلدىڭ 1- قازانىنان باستاپ ح ع س- نا «پروگرەسس م-29م» كولىكتىك جۇك كەمەسى اتتانۋى ءتيىس.

بايقوڭىردان ەڭ جاقىن بولاتىن ۇشىرۋ 28- تامىزعا بەلگىلەنگەن. سول كۇنى Inmarsat-5F3 ەۋروپالىق عارىش اپپاراتى بار «پروتون-م» زىمىران-تاسىعىشى ۇشىرىلماق.