م. پانكە: د س ۇ- عا قابىلدانعان كۇن - قازاقستان ءۇشىن تاريحي ءسات
بۇل پىكىردى قازاقستاندىق ب ا ق وكىلدەرىنە سۇحبات بەرگەن ا ق ش- تىڭ د س ۇ- داعى ەلشىسى مايكل پانكە ءبىلدىردى.
«قازاقستان ءۇشىن د س ۇ- عا قابىلدانعان كۇن - تاريحي ءسات. قۇراما شتاتتار وسى جىلدار بويى سىزدەردىڭ ۇيىمعا كىرۋ پروتسەستەرىڭىزگە بەلسەنە ارالاسىپ، بىرلەسە جۇمىس ىستەگەندىگىن ماقتان تۇتادى. بىزدەرگە كۇنى كەشە دسۇ باس كەڭەسىنىڭ وتىرىسىنداعى پرەزيدەنت نۇرسۇلتان نازاربايەۆتىڭ سوزدەرى زور اسەر قالدىردى. بۇل ۇدەرىستەرگە مەملەكەت باسشىسىنىڭ ءوزىنىڭ ارالاسۋى وتە ماڭىزدى فاكتور»، - دەدى ول.
ا ق ش ەلشىسى سونىمەن قاتار ءوز سوزىندە قازاقستاننىڭ د س ۇ- عا كىرۋ پروتسەستەرىمەن اينالىسقان بارشا كوماندانىڭ كەلىسسوزدەر جۇرگىزۋدە ناعىز تالانت تانىتقانىن باسا اتاپ ءوتتى.
«ۇيىمعا قوسىلۋ، بۇل ماڭىزدى حالىقارالىق كلۋبقا قوسىلۋ ءارى بىزدەر ءۇشىن تىعىز ىنتىماقتاستىقتى جانداندىرۋدىڭ مول مۇمكىندىگى. اقش قازاقستان ەڭسەرگەن جۇمىستارعا زور تاڭدانىسىن بىلدىرەدى»، - دەپ تۇيىندەدى ويىن م. پانكە.
ايتا كەتەيىك، كەشە دۇنيەجۇزىلىك ساۋدا ۇيىمى باس كەڭەسىنىڭ وتىرىسىنىڭ قورىتىندىسىندا قر پرەزيدەنتى نۇرسۇلتان نازاربايەۆ پەن دسۇ باس ديرەكتورى روبەرتو ازيەۆەدو قازاقستاننىڭ دۇنيەجۇزىلىك ساۋدا ۇيىمىنا قوسىلۋى تۋرالى حاتتاماعا قول قويعان ەدى.
اۆتور: مارلان جيەمباي
