كاددافيدىڭ ۇلى ءولىم جازاسىنا كەسىلدى

استانا. قازاقپارات - ليۆيا سوتى بۇرىنعى ليۆيالىق كوشباسشى مۋاممار كاددافيدىڭ ۇلى - سەيف ال- يسلامدى ءولىم جازاسىنا كەستى.

بۇل تۋرالى Al Arabiya تەلەارناسىنان حابارلادى.

 تەلەارنا اقپاراتىنشا، ليۆيالىق سوت ليۆيانىڭ بۇرىنعى باسشىسى مۋاممار كاددافيدىڭ ۇلى - سەيف ال- يسلامدى، سونىمەن قاتار كاددافي باسشىلىق ەتكەن كەزدە جوعارى لاۋازىمدى شەنەۋنىك بولعان ءبىرقاتار تۇلعالاردى اتۋ جازاسىنا كەستى.

ليۆيادا مۋامار كاددافي رەجىمىنە قارسى ارەكەتتەر 2011 -جىلى اقپان ايىنداعى «اراب كوكتەمى» وقيعالارىنىڭ ىقپالىمەن باستالدى. ناۋرىز ايىندا 1973 -جىلعى ب ۇ ۇ ق ك قارارىنا سايكەس كواليتسيالىق كۇشتەردىڭ ليۆياعا قارسى اسكەري وپەراتسياسى باستالدى.

2011 -جىلى 20 -قازاندا سيرت قالاسىنىڭ ماڭىندا كاددافي قازا تاپقان سوڭ، وتپەلى ۇلتتىق كەڭەس ليۆيانىڭ ونىڭ باسقارۋىنان تولىقتاي بوساعاندىعىن جاريالادى.