بالانى قۇرباندىققا شالعان «سيقىرشى» قولعا ءتۇستى
دجيۆان كوحاردىڭ دەنەسى كۋديا ەلدى مەكەنى ىرگەسىندەگى ەگىستىك القابىنان تابىلعان. ءتارتىپ ساقشىلارىنىڭ ايتۋىنشا، قىلمىسكەرلەر بالانىڭ باسىن كەسىپ الىپتى.
تەرگەۋ بارىسىندا بەلگىلى بولعانى، ءسابيدى ولتىرۋگە تاپسىرىستى كوداي حاريدجان ەسىمدى جەرگىلىكتى تۇرعىن بەرگەن. ول ءوزىنىڭ ناۋقاس بالاسىن ەمدەۋ ماقساتىندا تاۋىپكە بارعان كورىنەدى. الگى ەمشى بولسا بالانى اۋرۋىنان ايىقتىرۋ ءۇشىن وزگە ءسابيدىڭ قانى كەرەكتىگىن ايتقان. حاريدجان ويناپ جۇرگەن 10 جاسار بالانى الداپ، اۋىلدىڭ شەتىنە شىعارىپ، تاۋىپپەن بىرگە ونى قۇرباندىققا شالعانى انىقتالدى.
جەرگىلىكتى بيلىك وكىلدەرىنىڭ حابارلاۋىنشا، قايتىس بولعان بالا دا، ونى ولتىرۋگە تاپسىرىس بەرگەندەر دە جوعارعى تاپتىڭ وكىلدەرى. پوليتسيا قازىر بۇل ىسكە قاتىسى بار دەگەن كۇدىكپەن 11 ادامدى قاماۋعا الدى. ولاردىڭ بەسەۋى ءوز قىلمىستارىن مويىنداپ وتىر. ال، قۇرباندىقتان كەيىن حاريدجاننىڭ ۇلى اۋرۋىنان ايىقپاعان.
BAQ.kz
