وسكار دە لا حويا: گولوۆكين - لەمە جەكپە-جەگى ەكەۋى ءۇشىن دە قاۋىپتى

استانا. قازاقپارات - Golden Boy Promotions پرەزيدەنتى وسكار دە لا حويا ونىڭ بوكسشىسى داۆيد لەمە مەن گەننادي گولوۆكيننىڭ شارشى الاڭعا شىعۋىنان تارتىستى كەزدەسۋدى كۇتەدى، دەپ حابارلادى Sports.kz.

پروموۋتەردىڭ پىكىرىنشە، جەكپە-جەك ەكى سپورتشى ءۇشىن دە قيىن بولماق.

«بۇل بوكس سۇيەر قاۋىم ءۇشىن ماڭىزدى ءارى تارتىمدى كەزدەسۋ بولادى. نەلىكتەن ەكەۋى قازىر كەزدەسىپ وتىر؟ ويتكەنى ەكەۋىنىڭ دە جاعدايى جاقسى، ەكەۋى دە الەم چەمپيونى. جاقسى بوكس ءۇشىن وسى كەرەك. بۇل قىزىقتى ءارى ەكى بوكسشى ءۇشىن دە قاۋىپتى جەكپە-جەك بولادى. ەكى سپورتشىنىڭ دا نوكاۋتقا جىبەرۋ ماشىعى، مىقتى يەگى، جاقسى دايىندىعى بار. قارسىلاسىنىڭ يەگىنە ءبىرىنشى بولىپ جەتكەن بىلعارى قولعاپ شەبەرى جەڭەدى دەپ ويلايمىن»، - دەگەن پىكىرىمەن وسكار دە لا حويا Sports Nation-گە بەرگەن سۇحباتىندا ءبولىستى.