جۇكتىلىك كەزىندە قانداي سۋسىن ىشكەن پايدالى؟

استانا. قازاقپارات - ايەل ادام جۇكتىلىك كەزىندە بەلگىلى ءبىر ديەتا ۇستانۋى كەرەك.

سونىڭ ءبىرى -  سۋسىن تۇرلەرى. دارىگەرلەر بولاشاق انالارعا قانداي شاي تۇرلەرىن ءىشۋ پايدالى جانە زيان ەكەنىن انىقتادى.

كوفە.

انا مەن بالا ءۇشىن كوفە زياندى بولۋى مۇمكىن. سوندىقتان جۇكتى بولساڭىز، ودان باس تارتۋىڭىزعا تۋرا كەلەدى. كوفەين جۇيكە جۇيەسىنىڭ مىقتى ستيمۋلياتورى بولعاندىقتان، اعزاداعى كالتسي مەتابوليزمىنە اسەر ەتۋى مۇمكىن. ال، بۇل ءوز الدىنا بالاعا اسەرىن تيگىزەدى. سەبەبى كوفەين قان تامىرلارىن تارىلتىپ، بالانىڭ تاماقتانۋىنا بوگەت بولادى. كوفەيننىڭ تەك كوفە ەمەس، گازدى سۋسىن، شوكولاد، كەيبىر ءدارى- دارمەكتەردىڭ قۇرامىندا دا بار ەكەنىن ۇمىتپاڭىز. ساتىپ الاتىن تاعام، ءدارىنىڭ قۇرامىن وقۋعا ەرىنبەڭىز.

كوك شاي.

كوك شاي - دەنساۋلىعىمىزعا پايداسى مول سۋسىن. ونىڭ قۇرامىندا انتيوكسيدانتتار مول بولعاندىقتان، جاسۋشالاردىڭ توزۋىنا جول بەرمەيدى. سونىمەن قاتار ول ماگنيي، مىرىش، كالتسيي مەن سەلەناعا باي. بۇل سۋسىن جۇرەك تامىرلارى قىزمەتىن جاقسارتىپ، يممۋنيتەتتى نىعايتىپ، ءتىس ءەمالىن قاتايتادى. جۇكتىلىك كەزىندە كوك شاي ديابەتتىڭ الدىن الىپ، اعزاداعى قان دەڭگەيى مەن حولەستەريندى قالىپ ۇستاۋعا كومەكتەسەدى. سوندا دا بولاشاق اناعا كوك شايدى كوپ ىشۋگە بولمايدى. سەبەبى ونىڭ قۇرامىندا كوفەين بار جانە ول وتە باياۋ قورىتىلادى. كوك شاي اعزاداعى فوليي قىشقىلىن ازايتىپ، تەمىردىڭ تولىقتاي سىڭۋىنە بوگەت ەتەدى.

قارا شاي.

قارا شاي تەوبرومين، تەوفيللين، س، ك، ر ر، ۆ دارۋمەندەرى مەن پانتوتەن قىشقىلىنا باي. سونىمەن قاتار، ونىڭ قۇرامىندا فوسفور، كالي، كالتسي مەن فتور بار. قارا شاي جۇيكە جۇيەسى، جۇرەك پەن تامىر جولدارىنىڭ قىزمەتىن جاقسارتادى. سونداي- اق، ول باۋىر مەن ىشەك تراكتىنا پايدالى. وكىنىشكە قاراي، قارا شاي قۇرامىندا كوفەين تىم كوپ. ونى ءجيى ىشەتىن بولساڭىز اعزاڭىزعا تەمىر مەن ماگنيي جەتىسپەۋى مۇمكىن. ەگەر قارا شايدان باس تارتا الماساڭىز، قايناعان بويدا كۇنىنە 1-2 كەسە ءىشىپ تۇرۋعا بولادى.

ءشوپ شايلارى.

قارا شاي مەن كوفەنىڭ ورنىن ءشوپ شايلارى باسا الادى. ءشوپ شايىنىڭ ءدامى دە ءتاتتى، ءيىسى دە جاعىمدى. ونىڭ اعزاعا، بالاعا ەش زيانى جوق. قانداي ءشوپتى شاي ىشۋگە بولادى، سوعان توقتالايىق:

تۇيمەداق - اس قورىتۋعا كومەكتەسەدى؛

باقباق (ودۋۆانچيك) - ءىسىنۋدى باسىپ، اسقازان قىزمەتى بۇزىلعاندا كومەكتەسەدى؛

جانجابىل ءتۇبىرى - جۇرەك اينۋىن باسىپ، مۇرىن ءبىتۋىن ەمدەيدى؛

قالاقاي جاپىراعى - تەمىر، كالتسيي مەن ءتۇرلى دارۋمەن مەن مينەرالدارعا باي؛

اشتى جالبىز - ءىشتىڭ كەبۋىن باسىپ، قىجىلدى ەمدەيدى؛

تاڭقۋراي - جۇرەك اينۋىن باسىپ، گورمونداردى قالىپقا كەلتىرەدى.

الايدا، كەيبىر شوپتەر جۇكتىلىك كەزىندە قاۋىپتى كەلەدى. ولاردىڭ بىرىنە ساز جالبىزى (بولوتنايا)، مىڭجاپىراق، جاي جۋسان، مايتامىر، ارشا، تۇيمەشەتەن جاتادى. ءشوپتى شاي الۋدان بۇرىن ءوز دارىگەرىڭىزبەن كەڭەسكەنىڭىز ءجون.

BAQ.kz