ازاماتتىق اۆياتسيا كوميتەتى: ۇشقىشسىز باسقارىلاتىن اپپارات تەك ۋاكىلەتتى ورگاننىڭ كەلىسىمىمەن قولدانىلۋ كەرەك

استانا. قازاقپارات - قازىرگى ۋاقىتتا، ۇيىمدار مەن ازاماتتار ۇشقىشسىز ۇشاتىن ۇشۋ اپپاراتتارىن بەلسەندى پايدالانۋدا.

ق ر ي د م ازاماتتىق اۆياتسيا كوميتەتى مىنا جايدى حابارلايدى: ولاردى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيانىڭ قىزمەتى تۋرالى» ق ر زاڭىنىڭ 31- جانە 33-باپتارىنا سايكەس جۇزەگە اسىرۋ قاجەت.

ياعني، ولاردىڭ بارلىق ۇشۋىن ۋاكىلەتتى ورگاندارمەن كەلىسۋ قاجەت. ونىڭ ءتارتىبى قازاقستان رەسپۋبليكاسى ۇكىمەتىنىڭ 2011-جىلعى 12- مامىرداعى 506№  قاۋلىسىمەن بەكىتىلگەن قازاقستان رەسپۋبليكاسىنىڭ اۋە كەڭىستىگىن پايدالانۋ قاعيدالارىندا ايقىندالعان.

قازاقستان رەسپۋبليكاسىنىڭ ازاماتتىق اۋە كەمەلەرىن، ولارعا قۇقىقتى جانە ولارمەن مامىلەلەردى، سونداي-اق ولارعا قۇقىقتى كۋالاندىراتىن قۇجاتتاردىڭ نىساندارىن مەملەكەتتىك تىركەۋ قاعيدالارىنا سايكەس ۇشقىشسىز ۇشاتىن ۇشۋ اپپاراتتارى ازاماتتىق اۆياتسيا كوميتەتىندە ەسەپكە الىنۋى ءتيىس.