09:23, 27 - شىلدە 2015 | GMT +6
ماروككو كورولى افريكالىق عالىمدار قورىن قۇردى
استانا. قازاقپارات - ماروككو كارولى مۇحاممەد VI ءوز ەسىمىمەن اتالاتىن افريكالىق عالىمدار قورىن قۇردى.
جاڭا ۇيىمنىڭ ماقساتى - كورولدىكتە جانە 29 افريكالىق ەلدە تاعاتتىلىق پەن توزىمدىلىككە شاقىراتىن يسلام ءدىنىنىڭ دامۋىنا ۇلەس قوساتىن جۇزدەگەن يمام مەن ءدىن قىزمەتكەرلەرىن دايىنداۋ. بۇل تۋرالى مۋسليم. كز جازادى.
ءداستۇرلى ءدىن عالىمدارىنا قولداۋ ءبىلدىرۋ ارقىلى ماروككو كورولى افريكا ەلدەرىندە ەكسترەميستىك يدەيالاردىڭ تارالۋىنا جول بەرمەۋدى كوزدەپ وتىر. قازىرگى ۋاقىتتا VI مۇحاممەد اتىنداعى يمامدار دايىنداۋ ينستيتۋتىندا 500 گە جۋىق ءدىن قىزمەتكەرلەرى ءبىلىم جەتىلدىرۋدە. ايتا كەتەيىك، اتالمىش وقۋ ورداسىندا ەرلەر عانا ەمەس، ايەل ءدىن قىزمەتكەرلەرىنە دە ءبىلىم الۋعا مۇمكىندىك بەرىلگەن.
