جەتى بالانىڭ اناسى سوت ارقىلى بۇرىنعى كۇيەۋىنەن ءۇيىن قايتارىپ الدى
«سوتقا تالاپكەر گ. ت. ، تالاپ ارىز بەرىپ، تالابىندا جاۋاپكەر س. ك- نىڭ اتىنا تىركەلگەن تۇرعىن ءۇيدى ورتاق مۇلىك دەپ تانىپ، ءوزىنىڭ ۇلەسىن 90 پايىز، ال جاۋاپكەردىڭ ۇلەسىن 10 پايىز دەپ انىقتاپ، ءوزىنىڭ اسىراۋىندا جەتى بالاسى بار ەكەنىن ەسكەرىپ، اتالعان تۇرعىن ءۇيدى وزىنە قالدىرۋدى جانە جاۋاپكەردەن ءوزىنىڭ پايداسىنا سوت شىعىندارىن ءوندىرۋدى سۇراعان»، - دەپ جازىلعان حابارلامادا.
سوت وتىرىسىندا جاۋاپكەر س. ك. (بۇرىنعى كۇيەۋى) تالاپ ارىزدى ءىشىنارا مويىنداپ، داۋلى تۇرعىن ءۇي ورتاق مۇلىك ەكەنىن قابىلدايتىنىن كورسەتىپ، اتالعان تۇرعىن ۇيدەن وزىنە 50 پايىز ۇلەسىن ءوندىرۋدى سۇراعان.
سوت ءىس-قۇجاتتاردى زەرتتەپ، تاراپتاردىڭ ماتەريالدىق جانە وتباسىلىق جاعدايلارىن، ياعني جاۋاپكەردىڭ ماتەريالدىق جاعدايىنىڭ جاقسى ەكەندىگىن، قازىرگى تاڭدا باسقا ءۇي ساتىپ الىپ، سوندا تۇرىپ جاتقاندىعىن، سونداي-اق، تالاپكەردىڭ تاربيەسىندە كامەلەت جاسىنا تولماعان جەتى بالاسىنىڭ بار ەكەندىگىن، ولاردىڭ تۇرعىن ۇيگە مۇقتاجدىعىن جانە باسپانادان ايىرىلىپ قالۋ قاۋپىن ەسكەرىپ، 2015.09.07 -جىلعى سوت شەشىمىمەن جاۋاپكەر س. ك. -نىڭ اتىنا تىركەلگەن تۇرعىن ءۇيدى تالاپكەر گ. ت. -نىڭ يەلىگىندە تولىق قالدىرىپ، تالاپكەر گ. ت. -دان جاۋاپكەر س. ك. -نىڭ پايداسىنا تۇرعىن ءۇيدىڭ باعاسىنان جاۋاپكەردىڭ ۇلەسى رەتىندە 25 پايىز مولشەرىندە 4140500 تەڭگە ءوندىردى.
سونىمەن قاتار، جاۋاپكەردەن تالاپكەردىڭ پايداسىنا سوت شىعىندارى رەتىندە جالپى 139215 تەڭگە ءوندىردى.
