استانادا قالانىڭ ۇزدىك قۇرىلىمدارى ماراپاتتالدى
بيىل «ەلوردانىڭ ۇزدىك اۋدانى» اتاعىن ەكىنشى جىل قاتارىنان 2008-جىلى ەلباسىنىڭ جارلىعىمەن قۇرىلعان «ەسىل» اۋدانى جەڭىپ الدى. ول سول جاعالاۋ اۋماعىن قامتيدى.
«ۇزدىك مەملەكەتتىك ورگان» نوميناتسياسىندا ناگرادانى قالالىق ءبىلىم باسقارماسى الدى. بيىل ۆەدومستۆو ۇلكەن ناتيجەلەرگە قول جەتكىزدى: استانا العاش رەت ۇلتتىق ءبىرىڭعاي تەستىلەۋ ناتيجەلەرى بويىنشا كوشباسشى اتاندى.
ونىڭ ۇستىنە، 8- جىل قاتارىنان ەلوردالىق وقۋشىلار كومانداسى قازاقستاننىڭ ۇزدىك وليمپيادالىق كومانداسى اتاعىن يەلەنىپ كەلەدى. اۋماقتىق ورگاندار اراسىندا بيىل ىشكى ىستەر دەپارتامەنتى ەرەكشە كوزگە ءتۇستى، - دەپ جازادى ەلوردا اكىمدىگىنىڭ باسپا ءسوز قىزمەتى.
«ەلوردانىڭ ۇزدىك كاسىپورىنى» اتاعىنا «ەلوردا دامۋ» ج ش س يە بولدى. كومپانيا ەلورداداعى اپاتتى جاعدايداعى ۇيلەردى بۇزۋ جوباسى اياسىندا كوپ پاتەرلى ۇيلەر قۇرىلىسىن جۇزەگە اسىرادى.
