ەرتەڭ بەيبىت شۇمەنوۆ پەن بي دجەي فلورەستىڭ جەكپە-جەگى وتەدى
جەرلەسىمىز ايتۋلى جەكپە-جەككە جاڭا باپكەرلىك قۇراممەن دايىندالدى.
31 جاستاعى قازاق بوكسشىسى سوڭعى ۋاقىتتا قابىلداعان ماڭىزدى ەكى شەشىم قابىلداعانىن ايتتى. ونىڭ ءبىرىنشىسى - باپكەر الماستىرۋ، ەكىنشىسى - جوعارى سالماق دارەجەسىنە ءوتۋ.
«يسماەل سالاس مەنىڭ ويىمداعى باپكەر بولىپ شىقتى. ءبىزدىڭ كوپ جاعدايدا كوزقاراسىمىز ءبىر جەردەن شىعىپ جاتادى. مەن ۇيرەنگەن بوكس ك س ر و مەكتەبى بولىپ ەسەپتەلەدى. مەنىڭ باپكەرىمنىڭ وتانى كۋبادا دا ءدال سول مەكتەپ قالىپتاسقان. جاتتىعۋدىڭ العاشقى كۇنىنەن باستاپ-اق ءبىز ورتاق ءتىل تابىسا الدىق. باس باپكەردىڭ جانىندا ەكى كومەكشى باپكەر دە بار، ولار: دجەفف گرمويا مەن رودني كرايسلەر. تورتەۋمىز بار بىلگەنىمىزدى ورتاعا سالىپ، تاجىريبە دە الماستىق. بۇنىڭ بارلىعى مەنىڭ دەڭگەيىمنىڭ ءوسىپ، مىقتى بوكسشى اتانۋىم ءۇشىن قاجەت» دەدى شۇمەنوۆ امەريكالىق تىلشىلەرمەن بولعان سۇحباتتا.
ول سونداي-اق، ءوزىنىڭ سالماعىنا بايلانىستى دا پىكىرىن ءبىلدىردى.
«مەن 175 فۋنت سالماقتا جۇرگەنىمدە بار ويىم سالماق تاستاۋ ارىقتاۋ بولاتىن. جەكپە-جەك ەكىنشى ورىنعا ءتۇسىپ كەتەتىن. ۇتىلۋىمنىڭ دا نەگىزگى سەبەبى سول. سالماق قۋامىن دەپ جۇيكەم توزدى، بۇل جەكپە-جەكتىڭ كەزىندە كوزگە انىق كورىنىپ تۇردى. ال، قازىر ءوزىمنىڭ راحاتىم ءۇشىن شارشى الاڭعا شىعامىن، سالماق تاستاپ قينالمايمىن» دەپ تۇيىندەدى بوكسشى.
شۇمەنوۆ فلورەستىڭ تاجىريبەلى بوكسشى ەكەنىن، الايدا، ەرتەڭگى جەكپە-جەكتە وعان ەش مۇمكىندىك قالدىرمايتىنىنا سەنىمدى. اتالعان كەزدەسۋ 25- شىلدە كۇنى لاس-ۆەگاس قالاسىندا وتەدى دەپ كۇتىلۋدە.
Baq.kz
