مۇسىلماندار اراسىندا سۇلۋلىق بايقاۋى قالاي وتەدى؟ - فوتو
مۇندا شومىلۋ كيىمدەرىنىڭ ورنىن حيدجاب، ءبي مەن دەفيلە ورنىن ءدىندارلىق، تورەشىلەر ورنىن جەتىم بالالار الماستىرعان.
بۇل تۋرالى featureshoot.com سايتىنا سىلتەمە جاساپ NUR. KZ حابارلايدى.
فينال جاقىنداعاندا قاتىسۋشىلار ەكى اپتا بويى ەرتەمەن ساندەنىپ، ادەمى كيىمدەرىن كيىپ جۇرەدى.
بايقاۋعا قاتىسۋشى مۇسىلمان ايەلدەر اراسىندا دارىگەر، ينجەنەر، مۇعالىمدەر بار. بايقاۋ بارىسىندا ولار قۇراننان ۇزىندىلەردى جاتقا ايتىپ، يسلامدا رۇقسات ەتىلگەن- ەتىلمەگەن ەرەجەلەردى جاقسى ءبىلۋى ءتيىس.
«الەمنىڭ مۇسىلمان ارۋى» (Miss World Muslimah) - جەر شارىنداعى مۇسىلمان ايەلدەر اراسىندا جىل سايىن يندونەزيا ەلىندە وتەتىن سۇلۋلىق بايقاۋى.
بەلگىلى سۇلۋلىق بايقاۋلارىنىڭ ىشىندە بۇل بايقاۋدا باستى نازار ءتان سۇلۋلىعىنا ەمەس، جان سۇلۋلىعىنا اۋدارىلادى. قاتىسۋشى دىنگە بەرىك، ادامگەرشىلىگى جوعارى، قوعام دامۋىنا ءوز ۇلەسىن قوسا بىلەتىن جان بولۋى ءتيىس.
ءىس-شارانى بۇكىل الەمدىك مۇسىلماندار قورى ۇيىمداستىرادى. بايقاۋدان تۇسكەن قارجى الەمدەگى قيىن جاعدايدا جۇرگەن مۇسىلماندارعا كومەككە جىبەرىلەدى. سوعىس، ءزىلزالا، تاپشىلىق زاردابىن شەككەندەرگە قايىرىمدىلىق جاسالادى.
1. قاتىسۋشىلار فينال باستالماس بۇرىن جۇرەك جالعاۋدا
بۇل بايقاۋ العاش رەت 2011-جىلى تەك يندونەزيا ارۋلارى ءۇشىن ۇيىمداستىرىلعان بولاتىن. كەيىن الەمدىك دەڭگەيگە شىقتى.
2. تۋنيس ەلىنىڭ ارۋى فاتما بەن گۋەفراكە «الەمنىڭ مۇسىلمان ارۋى-2014» اتاعىن يەلەندى
مۇندا شومىلۋ كيىمدەرىنىڭ ورنىن حيدجاب، ءبي مەن دەفيلە ورنىن ءدىندارلىق، تورەشىلەر ورنىن جەتىم بالالار الماستىرعان.
3. جەڭىمپازعا ارنالعان ءتاج
«ءبىز وسىلايشا بالالارعا ءوز سۇلۋلىعىن بايقاتۋ ءۇشىن جالاڭاشتانۋ مىندەت ەمەس ەكەنىن تۇسىندىرۋگە تىرىسۋدامىز»، - دەيدى بايقاۋ ۇيىمداستىرۋشىسى ەكا شانتي.
4. قاتىسۋشىلاردىڭ يندونەزياداعى بۋدديزم عيباداتحاناسى بوروبۋدۋرعا كەلگەن ءساتى
5. بايقاۋعا قاتىسۋشى ەليس شوليا ءۇزىلىس كەزىندە قارسىلاستارىنىڭ كوڭىلىن كوتەرۋدە
بايقاۋعا قاتىسۋ ءۇشىن ۇمىتكەر ءوتىنىشتى تولتىرىپ، حيدجاب، جەتىستىكتەرى، قوعام جايلى ەسسە جازۋى ءتيىس.
بۇدان وزگە بۇل بايقاۋدا ءوزى جانە وتباسى جايلى ۆيدەو تانىستىرۋ، قۇراندى وقۋداعى ساۋاتتىلىق، دارىن، وراتورلىق شەبەرلىك سىنعا سالىنادى.
فينالدا ارۋلاردىڭ يسلامعا جاقىندىعى، باسقا قاتىسۋشىلارعا دەگەن قارىم-قاتىناسى، كوركى ەسەپكە الىنادى.
6. ارۋلاردىڭ جاناشىرلىق دەڭگەيى قارتتار ۇيىندە تەكسەرىلۋدە
7.
قاتىسۋشىلار مەديتسينالىق تەكسەرىس پەن پسيحولگويالىق تەستتەن ءوتۋى ءتيىس. بۇدان وزگە قايىرىمدىلىققا قاتىستى تاپسىرمالار بەرىلەدى. ماسەلەن بايقاۋدا ارۋلارعا $1000 اقشا بەرىلىپ، وعان جاعدايى تومەن ايەلدەرگە سىيلىق تاڭداۋ شارتى قويىلعان بولاتىن.
8. قاتىسۋشىلار مەشىتتە
20 ۇمىتكەردىڭ ىشىنەن 8 ءى تاڭدالىنىپ، ءار ءتۇرلى نوميناتسيا بويىنشا ماراپاتتالادى. ولاردىڭ ىشىندەگى 2 نوميناتسياعا لايىقتىلاردى جەتىم بالالار تاڭدايدى. بايقاۋدىڭ باستى سىيلىعى - مەككەگە ساپار.
9. فاتما بەن گۋەفراكە مەشىتتە دەمالىپ جاتىر.
10. مۇندا قارسىلاستار اراسىندا جىلى قارىم-قاتىناس ورناعان
11. قۇران وقۋدان سوڭعى ساباق
12. مالايزيالىق نۋر حايرۋننيسا ليفتىدە
13. دايىندىق الدىندا ارۋلارعا تۋفلي تاراتىلۋدا
14. كيىمدەردى ولشەۋ
15. فينالعا دايىندىق. 2014-جىلى بايقاۋ يندونەزياداعى دجوكياكارتەدە ءوتتى. فوتودا نازرين الي
16. بارلىق تۋفليلەر ءوز يەلەرىن كۇتۋدە
17. قاتىسۋشىلار فينال الدىندا دۇعا ەتۋدە
18. ارۋ ءوز كەزەگىن كۇتۋدە
19. «تۋنيس ارۋى» فاتما بەن گۋەفراكە مەن پريماديتا راحما
20. ەكىنشى راۋندقا وتكەن «نيگەريا ارۋى» بيلگيس ادەبايو ماماندار حيدجابىن تۇزەتكەنشە سۋ ءىشىپ وتىر
21. بايقاۋ ءبىتتى. جەڭىمپاز - «تۋنيس ارۋى» فاتما بەن گۋەفراكە
تورەشىلەرى 100 جەتىم بالالاردان قۇرالعان بايقاۋعا قاتىسۋ ءۇشىن كەي ارۋلار جۇمىسىن تاستاپ كەلەدى.
«تۋنيس ارۋى» جەڭىمپاز اتانىپ، مەككەگە ساپار، التىن ساعات، وڭتۇستىك كورەياعا ساپار، قۇنى 10000 دوللارلىق التىن دينار ۇتىپ الدى.
