يندونەزيالىقتار وڭتۇستىك قازاقستان وبىلىسىنىڭ كاسىپكەرلەرىمەن بىرلەسىپ جىلدام پىسەتىن كەسپە شىعارماق

شىمكەنت. قازاقپارات - وڭتۇستىك قازاقستان وبىلىسىنا ىسساپارمەن كەلگەن يندونەزيانىڭ قازاقستانداعى ەلشىسى فوستەر گۋلتوم ءوڭىر كاسىپكەرلەرىمەن كەزدەستى.

 تاراپتار الداعى ۋاقىتتا اۋىل شارۋاشىلىعى، توقىما، تاماق جانە قۇرىلىس سالالارىندا بىرلەسىپ جۇمىس ىستەمەك. ول ءۇشىن الدىمەن ينۆەستيتسيا تارتۋ كوزدەرىن قاراستىرىپ، قوس ەلدىڭ نارىقتىق جاعدايىن باعامداپ الادى.

 ورتاق جوبالاردى تالقى تارازىسىنا سالعان قوس ەل ىسكەرلەرى الدىمەن تەز دايىندالاتىن كەسپە شىعارۋدى ويلاستىرىپ وتىر. بۇل كاسىپتىڭ ۇدەسىنەن شىققان يندونەزيالىقتاردىڭ تاجىريبەسىنە جەرگىلىكتى كاسىپكەرلەر قىزىعۋشىلىق بىلدىرۋدە. بۇل ءونىم بۇگىندە نارىقتا زور سۇرانىسقا يە. سوندىقتان جوبا كوپ ۇزاماي ءوز- ءوزىن اقتاپ، جەرگىلىكتى تۇرعىنداردى جۇمىسپەن قامتۋعا مۇمكىندىك بەرەدى دەيدى سالاعا جاۋاپتىلار.

قوس تاراپ الداعى ۋاقىتتا فارماسيەۆتيكا، حيميا سالاسىندا دا بىرلەسكەن جوبالاردى قولعا الماق. وبلىس كاسىپكەرلەرى كاۋچۋك وندىرۋدە دە يندونەزيالىقتارمەن بىرلەسۋگە قۇلشىنىپ وتىر. شيكىزاتتىڭ بۇل ءتۇرى وڭتۇستىك شىعىس ازيا ەلىندە سۋ تەگىن. سوندىقتان ايماق كاسىپكەرلەرى وسى ەلدەن كاۋچۋكتى الدىرتىپ، حيميا سالاسىندا وندىرەتىن بولادى، دەپ حابارلايدى otyrar.kz.