قازاقستاننىڭ ەلەكتروندى ەنتسيكلوپەدياسى جاسالادى - ا. مۇحامەدي ۇلى

استانا. قازاقپارات - قازاقستاندا ەلىمىزدىڭ بارلىق تاريحي، مادەني قۇندىلىقتارى مەن ساياسي جەتىستىكتەرى تۋرالى تولىق ماعلۇماتتار ەلەكتروندى ەنتسيكلوپەديادا كورىنىس تابادى.

بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.

«قازاقستاننىڭ ەلەكتروندى ەنتسيكلوپەدياسى جاسالادى. بۇل شىنىمەن بىرەگەي باعدارلاما، ءبىر سايتتا قازاقستاننىڭ تاريحى مەن بولاشاعى تۋرالى بارلىق دۇنيەلەردى تابۋعا بولادى. اتالعان جوبا «ەكسپو-2017» كورمەسىندە قازاقستاندى تانىستىرۋ اياسىندا وتە وزەكتى جوبا بولىپ تابىلادى»، - دەپ اتاپ ءوتتى مينيستر.

ونىڭ ايتۋىنشا، مينيسترلىك ەكسپو شاراسىنا بايلانىستى ارنايى جوسپار جاساقتادى. بۇل جوسپار بويىنشا «ەكسپو-2017» كورمەسىندە قازاقستاننىڭ الەمدەگى تاريحي جانە گەوساياسي ماڭىزى تۋرالى پرەزەنتاتسيالار وتكىزىلەدى. «ەكسپو-2017» كورمەسى مەن حالىقارالىق جانە استانانىڭ قارجىلىق ورتالىق رەتىندەگى الەۋەتى مادەني-تۋريستىك كلاستەردى قۇرۋعا قاجەتتى ەلوردانىڭ جاڭا مادەني ينفراقۇرىلىمىنىڭ دامۋىن تالاپ ەتەدى»، - دەيدى ا. مۇحامەدي ۇلى.

اۆتور: جاسۇلان جولدىبايەۆ