الماتى وبلىسىندا لاۋازىمدى قىزمەتتەگى ءۇش قىزى ءولىم اۋزىندا جاتقان اكەلەرىن تاستاپ كەتتى - ب ا ق
قاتتى ناۋقاستانعان ونى الماتىدا لاۋازىمدى قىزمەتتە ىستەيتىن قىزدارى ىزدەمەيدى، - دەپ حابارلايدى ك ت ك تەلەارناسى.
سوڭعى ءتورت كۇندە زەينەتكەر توسەگىنەن تۇرعان جوق. كورشىلەرى ونى جەردە جاتقان جەرىنەن تاۋىپ العان. قاريانىڭ جانىندا تاماق قالدىقتارى مەن لاس توسەك جايمالارى شاشىلىپ جاتىر.
"ول سۋ، تاماق سۇرايدى. مىندا ىستىق، دەم الۋ مۇمكىن ەمەس! ول ءتىرى ادام عوي، جانۋاردى دا ايايمىز!"، - دەدى كورشىسى ناعيما باسجانوۆا.
كۇندىز قاريانى كورشىلەرى تاماقتاندىرادى، ال تۇندە ول ەگەۋقۇيرىقتار مەن تاراقانداردىڭ ورتاسىندا جالعىز قالادى.
سەيسەنبىدە قاريانى اۋرۋحاناعا اكەتتى. دەگەنمەن زەينەتكەردىڭ جاعدايى ارى قاراي نە بولاتىنى بەلگىسىز.
"ول د ە س ك- دان ءوتۋى كەرەك، سول كەزدە عانا مۇگەدەكتەرگە بەرىلەتىن كومەكتى الا الادى. بۇل جاعدايدا ونىڭ وتباسى باس تارتاتىندارى تۋرالى ارىز جازۋ كەرەك، سوندىقتان دا ءبىز قازىر ساۋال جولداپ جاتىرمىز. ەگەر ونىڭ وتباسىن تاۋىپ، قاجەتتى قاعازدى الا الساق، ونى ينتەرنات ۇيىنە جىبەرەمىز"، - دەدى الماتى وبلىسى جامبىل اۋداندىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ ءبولىم باسشىسى گۇلسارا تىلەۋبەرديەۆا.
ازىرشە پوليتسەيلەر قاريانىڭ قىزدارىمەن سويلەسۋدى ءجون كورىپ وتىر. دەگەنمەن ولاردى تۋعان اكەلەرىنە كومەكتەسۋگە ەشكىم كوندىرە المايدى.
