ي. تاسماعامبەتوۆ «باتىر ارۋلار» بايقاۋىنىڭ جەڭىمپازدارىن ارنايى ماراپاتتادى - فوتو

 استانا. قازاقپارات - بۇگىن ق ر قارۋلى كۇشتەرىنىڭ اسكەري قىزمەتشى قىز- كەلىنشەكتەرى اراسىندا وتكەن «باتىر ارۋلار» ءبىرىنشى رەسپۋبليكالىق بايقاۋىنىڭ جەڭىمپازدارىن ماراپاتتاۋ سالتاناتتى ءراسىمى ءوتتى.

 قازاقستان ارمياسىنىڭ ون ەكى ۇزدىك وكىلىن قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆتىڭ ءوزى قۇتتىقتادى، دەپ حابارلادى ۆەدومستۆونىڭ باسپا ءسوز قىزمەتىنەن.

«باتىر ارۋلار» بايقاۋى وتان الدىنداعى قىزمەتىندە وزدەرىنىڭ ەر- ازاماتتارمەن تەڭ دارەجەدە يىق تىرەسىپ كەلە جاتقان اسكەري قىزمەتشى قىز- كەلىنشەكتەردى تابۋعا جانە ولاردىڭ قىزمەتى تۋرالى بىلۋگە مۇمكىندىك بەردى - بۇل ونەگە الۋدىڭ تاماشا ۇلگىسى، جۇمىس كۇندەرىنىڭ اسكەري قىزمەتپەن ۇزدىكسىز بايلانىسى.

 بەرتىندەگى الەمدىك تاريحتا «جاۋىنگەر قىز» دەگەن تۇسىنىك ايرىقشا بولىپ سانالاتىن. الايدا، 21 - عاسىردا وسىنداي اسكەري قىزمەتشى قىز- كەلىنشەك نەمەسە سارباز قىز دەگەن كاسىپتىڭ بولۋى ەشكىمدى تاڭ قالدىرمايتىنى انىق. بۇنىڭ ءبىر جارقىن كورىنىسى رەتىندە «باتىر ارۋلار» بايقاۋىن ايتۋعا بولادى»، - دەدى ول.

 قاتىسۋعا ءوتىنىش بەرگەن ساتتەن باستاپ سالتاناتتى راسىمگە دەيىن كوپتەگەن نازىك جاندى ارۋلارعا اۋىر سانالاتىن سىناقتاردان قىز- كەلىنشەكتەر مۇدىرمەي ءوتتى. ولار مىلتىق اتتى، گراناتالار لاقتىردى، بارلىق كەدەرگىلەردى ەڭسەردى، وزەننەن ءجۇزىپ ءوتتى، قۋاتتى جاۋىنگەرلىك ماشينالاردى جۇرگىزدى.

ەستەرىڭىزگە سالا كەتسەك، «باتىر ارۋلار» ق ر  ق ك اسكەري قىزمەتشى قىز- كەلىنشەكتەرى اراسىنداعى ءبىرىنشى رەسپۋبليكالىق بايقاۋ. ەلىمىزدىڭ تۇكپىر- تۇكپىرىنەن ءوتىنىش بەرگەن 123 قاتىسۋشىنىڭ سۋرەتتەرى مەن جەكە ساۋالنامالارى ق ر قورعانىس مينيسترلىگىنىڭ رەسمي سايتىنا ورنالاستىرىلعان بولاتىن جانە ءبىر اي بويى ينتەرنەت پايدالانۋشىلارىنىڭ داۋىسىن جينادى.

قىرىق كۇندىك ونلاين- داۋىس بەرۋ ناتيجەسىندە قاتىسۋشىلارعا وتە كوپ  255725 داۋىس بەرىلدى.

بايقاۋ قازاقستاندىقتاردىڭ عانا ەمەس، باسقا دا ەلدەردىڭ تۇرعىندارىنىڭ قىزىعۋشىلىعىن تۋعىزدى. داۋىس بەرۋگە رەسەي، ا ق ش، گەرمانيا، يندونەزيا جانە ءۇندىستان ەلدەرىنىڭ ينتەرنەت پايدالانۋشىلارى بەلسەنە قاتىستى.

ناتيجەسىندە بىرنەشە سىناقتاردان مۇدىرمەي ءوتىپ، وزدەرىنىڭ جاۋىنگەرلىك ازىرلىگىن، شىدامدىلىعى مەن مىقتىلىعىن دالەلدەگەن قازاقستان قارۋلى كۇشتەرىنىڭ لايىقتى وكىلدەرى بولىپ سانالاتىن 12 جەڭىمپاز انىقتالدى. بايقاۋ سوڭىندا ارۋلاردى كاسىبي ستيليستەردىڭ قولىنان ارلەندىرۋ جانە «باتىر ارۋلار» بايقاۋىنىڭ ءاربىر جەڭىمپازى ءار پاراقتى كوركەيتە تۇسەتىن مامانداندىرىلعان كۇنتىزبەگە ارنالعان فوتوسەسسيادان وتەتىن بولادى.