افريكا ماماندارى نازاربايەۆ ۋنيۆەرسيتەتىندە بىلىكتىلىكتەرىن ارتتىرۋدا
قوعامدىق دەنساۋلىق ساقتاۋ جۇيەسى بويىنشا وتكىزىلەتىن سەميناردى ق ر سىرتقى ىستەر مينيسترلىگى مەن قازاقستانداعى ب ۇ ۇ دامۋ باعدارلاماسىنىڭ كەڭسەسى بىرلەسىپ ۇيىمداستىرۋدا.
افريكانىڭ مەديتسيناداعى جاس ماماندارى نازاربايەۆ ۋنيۆەرسيتەتىنىڭ ءومىر تۋرالى عىلىمدار ورتالىعىندا ەپيدەميولوگيا، بيومەديتسينا جانە قوعامدىق دەنساۋلىق ساقتاۋ سالالارى بويىنشا بىلىكتىلىكتەرىن جوعارىلاتادى.
«سەميناردى وتكىزۋ ءۇشىن ق ر سىرتقى ىستەر مينيسترلىگى مەن قازاقستانداعى ب ۇ ۇ دامۋ باعدارلاماسىنىڭ كەڭسەسى ءبىزدىڭ ۋنيۆەرسيتەتتى تاڭدادى. ءبىز ءۇشىن باسقا كونتينەنتتەن مامانداردى دايارلاۋ - ۇلكەن مارتەبە. ترەنينگتىڭ باستى باعىتى - ءبىز الەمدە قولدا بار ەڭ ۇزدىك ادىستەمەنى ۇيرەتەمىز. ءبىزدىڭ الدىمىزعا افريكا قۇرلىعىنان كەلگەن ماماندارعا نازاربايەۆ ۋنيۆەرسيتەتىندە جاسالىپ جاتقان زەرتتەۋلەرمەن، جەمىستى جوبالارمەن تانىستىرۋ، تاجىريبەمىزبەن ءبولىسۋ مىندەتى قويىلىپ وتىر.
باعدارلاما ادىستەمەلىك جانە تاجىريبەلىك كەزەڭدەردەن تۇرادى. ەكىنشى كەزەڭدە ءبىزدىڭ تالىمگەرلەر ءبىز زەرتتەۋلەردى قالاي جۇرگىزەتىندىگىمىزى كورەدى جانە ۇلتتىق مەديتسينالىق حولدينگتىڭ قۇرامىنا ەنەتىن ءبىرقاتار كلينيكالارعا بارىپ، ونداعى جۇمىستىڭ نەگىزگى قاعيداتتارىمەن تانىسادى»، - دەيدى نازاربايەۆ ۋنيۆەرسيتەتى ءومىر تۋرالى عىلىمدار ورتالىعى ەپيدەميولوگيا جانە قوعامدىق دەنساۋلىق ساقتاۋ زەرتحاناسىنىڭ جەتەكشىسى ءادىل سۇپييەۆ.
ۇيىمداستىرۋشىلاردىڭ ايتۋىنشا، تالىمگەرلەردىڭ قاتارىندا مەديتسينادا قىزمەت ەتىپ جۇرگەن تاجىريبەلى ماماندار دا بار.
«بىزگە ولاردىڭ جۇمىس بارىسىندا قانداي قيىندىقتارمەن كەزدەسەتىندىكتەرىن ءبىلۋ ماڭىزدى»، - دەپ اتاپ ءوتتى ءا. سۇپيەۆ.
اۆتور: جاسۇلان جولدىبايەۆ
