بايقوڭىر قالاسى اكىمشىلىگىنىڭ باسشىسى بولىپ اناتولي پەترەنكو تاعايىندالدى

بايقونىر. قازاقپارات - رەسەي فەدەراتسياسى پرەزيدەنتى مەن قازاقستان رەسپۋبليكاسى پرەزيدەنتىنىڭ بىرلەسكەن شەشىمىمەن پەترەنكو اناتولي پاۆلوۆيچ بايقوڭىر قالاسى اكىمشىلىگىنىڭ باسشىسى بولىپ تاعايىندالدى،

 دەپ حابارلانعان قالالىق مەريا سايتىندا.

ا. پەترەنكو 1945 - جىلى ستاۆروپول ولكەسىنىڭ كۋرگاننوە سەلوسىندا دۇنيەگە كەلگەن. كامىشين اسكەري قۇرىلىس- تەحنيكالىق ۋچيليشەسىن اياقتاعان، راديوتەحنيك ماماندىعىن العان.

اسكەري بورىشىن ورىنبور وبلىسىندا، لەنينگراد اسكەري وكرۋگىندە وتكەردى. قىزمەت ۋاقىتىندا چكالوۆ اتىنداعى ورىنبور پەدينستيتۋتىندا وقىدى. 1989 - جىلى بايقوڭىر عارىش ايلاعىنا جۇمىس ىستەۋگە اۋىستى، عارىشتىڭ تاربيە جۇمىستارى بولىمىندە قىزمەت ەتتى، زىمىران- سىناق بولىمىندە جەتەكشى بولدى.

1995 - جىلى بايقوڭىر قالاسى اكىمشىلىگىنە ەڭبەك ەتتى، ىشكى ساياسات ءبولىمىن باسقارىپ، اكىمشىلىك باسشىسىنىڭ الەۋمەتتىك ماسەلەلەر جونىندەگى ورىنباسارى، قالا اكىمشىلىگى باسشىسىنىڭ ورىنباسارى بولدى.

قالانىڭ الەۋمەتتىك- ەكونوميكالىق دامۋىنا قوسقان زور ۇلەسى، كوپ جىلدىق ادال ەڭبەگى، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن دوستىق وردەنىمەن جانە II دارەجەلى «دوستىق» وردەنىمەن، رەسەي عارىش فەدەراتسياسىنىڭ «ەڭبەگى ءۇشىن» مەدالىمەن ماراپاتتالدى.